Liderlarni kashf etuvchi tanlov Registon “Kelajak liderlari granti” 2-mavsumi

“Registon” o‘quv markazi va RegImtihon.uz platformasi hamkorlikda “Kelajak liderlari granti” tanlovinining 2-mavsumini ochiq deb e‘lon qiladi. Ushbu tanlov O‘zbekistondagi barcha 3-11-sinfda ta’lim oladigan maktab o‘quvchilari uchun tashkil etilmoqda.

Tanlovdan maqsad

• O‘quvchi yoshlarning matematika va ingliz tili fanlaridan bilimlarini sinovdan o‘tkazish va iqtidorli yoshlarni rag‘batlantirish;
• Yoshlarning ushbu fanlarga bo‘lgan qiziqishini uyg‘otish va oshirish;
• Iqtidorli ishtirokchilarni aniqlab olib, ularni qimmatbaho mukofotlar bilan rag‘batlantirish va liderlar safida sifatli ta’lim olishini ta’minlash.

Tanlov kimlar uchun?

O‘zbekistondagi barcha maktablarning 3-11-sinfgacha bo‘lgan o‘zbek va rus sinf o‘quvchilari uchun.

Tanlov ishtirokchilari ikki asosiy segmentga bo‘linadi:

1. Kichik guruh – 3-sinfdan 6-sinfgacha bo‘lgan o‘quvchilar.
2. Katta guruh – 7-sinfdan 11-sinfgacha bo‘lgan o‘quvchilar.

Qo‘shimcha imkoniyat: “Registon”da ayni damda tahsil olayotgan o‘quvchilar ham tanlovda to‘liq ishtirok etishlari va qimmatbaho sovrinlar uchun kurashishlari mumkin bo‘ladi.

Tanlovga ro‘yxatdan o‘tish

“Kelajak liderlari granti” tanlovida ishtirok etish istagida bo‘lgan talabgorlar t.me/Rgn_Grant_pri_2_bot orqali ro‘yxatdan o‘tishadi va RegImtihon.uz platformasida tanlovning maxsus “Shaxsiy kabineti”ni faollashtirishadi.

• Ro‘yxatdan o‘tishning oxirgi sanasi: 7-oktabr, 00:00 gacha.

Tanlov bosqichlari

• “Kelajak liderlari granti” tanlovi 2 bosqichdan iborat. Tanlov bosqichlari maxsus baholash tizimi asosida baholanadi hamda eng munosib ishtirokchilar munosib taqdirlanadi.

Birinchi bosqich

• Dastlabki bosqichda tanlovda ishtirok etuvchi nomzodlar RegImtihon.uz platformasi orqali Respublika miqyosida onlayn imtihon topshiradilar.
• Onlayn imtihonda ishtirokchilar matematika (arifmetika) 25 ta va ingliz tili fanidan 25 ta - ja’mi 50 ta test savollariga javob berishlari kerak bo‘ladi Savollar o‘zbek va rus tillarida ishtirokchilarning talabiga binoan taqdim etiladi. Har bir to‘g‘ri javob uchun 2 ball beriladi. Minimal o‘tish balli 60 ballni tashkil etadi.
• Tanlovining 1-bosqichi 8-oktabr kuni soat 10:00 da boshlanadi va shu kuni soat 00:00 da yakunlanadi.
• Barcha nomzodlar belgilangan vaqt oralig‘ida 60 daqiqa davom etuvchi onlayn imtihonda ishtirok etishadi. Tanlovning maxsus onlayn imtihon platformasi 8-oktabr kuni soat 00:00 da yopiladi.
• Ikkinchi bosqichga o‘tgan nomzodlar uchun maxsus SMS xabarnoma va “Shaxsiy kabinet” orqali xabar jo‘natiladi.

❗ Ishtirokchilar uchun qat’iy eslatmalar:

• Tanlov boshlanishidan oldin tanlov nizomi bilan yaxshilab tanishib chiqing;
• Birinchi bosqichda ishtirok etishdan oldin "Registon" o‘quv markazi haqida, uning filiallari, joylashgan manzillari bo‘yicha barcha ma’lumotlar bilan tanishib chiqing;
• Ishtirokchilar 1-bosqichga ro‘yxatdan o‘tish jarayonida o‘zlariga yaqin va qulay bo‘lgan "Registon" o‘quv markazi filialini tanlashlari lozim. Chunki ishtirokchilar 2-bosqich imtihonlarini aynan o‘zlari tanlagan filial binosida oflayn tarzda topshirishadi.
• Nomzodlar ro‘yxatdan o‘tish vaqtida qaysi filialni tanlashsa, g‘olib bo‘lgach aynan shu tanlagan filiallarida tahsil olishlari mumkin bo‘ladi. Boshqa filialda imtihon topshirib, boshqa filialda o‘qish mumkin emas!
• Tanlov ishtirokchilari ro‘yxatdan o‘tish vaqtida shaxsiy ma’lumotlarining to‘g‘ri va aniq to‘ldirilayotganligiga ahamiyat berishlari lozim. Nomzodlardan shaxsiy va doimiy faol bo‘lgan telefon raqam orqali ro‘yxatdan o‘tish talab etiladi.

Eslatma: "Shaxsiy kabinet" shakllantirish uchun ro‘yxatdan o‘tkazilgan telefon raqamlarga maxsus SMS xabarnomalar jo‘natilishi yoki "Call-markaz" tomonidan qayta aloqaga chiqilishi mumkin

Ikkinchi bosqich

• Ikkinchi bosqich imtihonlari 12-oktabr kuni "Registon" o‘quv markazining Respublika bo‘ylab barcha filiallarida oflayn tarzda o‘tkaziladi.
• Ushbu bosqich 1-bosqichda yuqori va yetarli ball to‘plagan ishtirokchilar o‘rtasida bo‘lib o‘tadi. Ishtirokchilar ro‘yxatdan o‘tishda o‘zlari tanlagan filial binosida 2-bosqich imtihonlarida qatnashishadi.
• Ikkinchi bosqich imtihonida ishtirokchilar matematika (arifmetik amallar va murakkab masalalar) va Ingliz tilining turli bo‘limlari (grammatika, reading) bo‘yicha jami 60 ta test savollariga javob berishadi. Har bir to‘g‘ri javob uchun 0.9 dan 2.5 ballgacha beriladi.

! Sinflar kesimida g‘olib bo‘lish uchun minimal o‘tish balli 60 ballni tashkil etadi.

! Oliy o‘rinni filial doirasida 86 balldan 100 ballgacha eng yuqori ballni olgan 1 nafar o‘quvchigina qo‘lga kirita oladi.

1-dan 10-gacha va 31-dan 40-gacha bo‘lgan savollarga 0.9 ball,

11-dan 20-gacha va 41-dan 50-gacha bo‘lgan savollarga 1.6 ball,

21-dan 30-gacha va 51-dan 60-gacha bo‘lgan savollarga 2.5 ball

Savollar o‘zbek va rus tillarida ishtirokchilarning talabiga binoan taqdim etiladi.

• Nomzodlar o‘rtasida ballar teng bo‘lib qolsa, qo‘shimcha test variantlari orqali yakuniy natija belgilanadi; • Agar ballar yana teng bo‘lsa, maxsus fan komissiyasi a’zolari tomonidan baholash asosida g‘olib aniqlanadi. • Natijalaridan qoniqmagan yoki norozi bo‘lgan ishtirokchilar natijalar e’lon qilinganidan so‘ng 3 kun ichida apellyatsiya uchun ariza topshirishlari mumkin.

Tanlov g‘oliblarini rag‘batlantirish

G‘oliblarga har bir filial kesimida 1 donadan 40 ta Noutbuk va 1200 ta “Registon”da o‘qish uchun maxsus grantlar topshiriladi. • Oliy o‘rin – Noutbuk, 3 oyga mo‘ljallangan 100%lik Registon granti;

• 1-o‘rin – 3 oyga mo‘ljallangan 100%lik Registon granti va “Registan leaders box” (maxsus liderlar sovg‘asi)
• 2-o‘rin – 3 oyga mo‘ljallangan 70%lik Registon granti va “Registan leaders box” (maxsus liderlar sovg‘asi)
• 3-o‘rin – 3 oyga mo‘ljallangan 50%lik Registon granti va “Registan leaders box” (maxsus liderlar sovg‘asi)
• 4–10-o‘rin – 3 oyga mo‘ljallangan 30%lik Registon granti
• Har bir sinflar kesimida alohida g‘oliblar aniqlanadi.

Qo‘shimcha rag‘batlantiruvchi dasturlar

1. “Eng faol maktab” nominatsiyasi - tanlovga eng ko‘p o‘quvchini ro‘yxatdan o‘tkazgan maktab uchun Smart TV sovg‘a sifatida topshiriladi;
2. “Eng faol ustoz” nominatsiyasi ­- tanlovga eng ko‘p o‘quvchini ro‘yxatdan o‘tkazgan ustozlar uchun Smart TV sovg‘a sifatida topshiriladi;
3. “Eng faol targ‘ibotchi” – Tanlovga erkin ravishda eng ko‘p jonli ishtirokchini ro‘yxatdan o‘tkazgan targ‘ibotchilar uchun Smart TV topshiriladi.

ESLATMALAR:

• Imtihonlar maxsus nazoratchilar tomonidan kuzatib boriladi va barcha jarayonlar shaffof tarzda bo‘ladi;
• Ishtirokchilarga faqat bir marta qatnashish imkoniyati beriladi;
• Har bir bosqich natijalari Registan LC rasmiy sahifalarida e’lon qilinadi.

Apellyatsiya tartibi

• Ishtirokchilar natijalardan norozi bo‘lsa, natijalar e‘lon qilinganidan so‘ng 2 kun ichida apellyatsiya uchun ariza topshirishlari mumkin;
• Apellyatsiya jarayoni maxsus komissiya tomonidan ko‘rib chiqiladi.

Tanlovga ro‘yxatdan o‘tish: @Rgn_grant_pri_2_bot

"Registon" o‘quv markazi o‘zining bo‘lajak eng iqtidorli o‘quvchilariga omad tilaydi!

Tanlov bo‘yicha savol va murojaatlaringiz bo‘lsa, +998 78 113 27 00 raqami yoki (@RegistanLC_Admin) telegram manziliga yuborishingiz mumkin!