Milliy sertifikat imtihonlari natijalari e’lon qilindi
2026-yil 17-18-yanvar kunlari Biologiya, Fizika va Tarix fanlaridan o‘tkazilgan milliy sertifikat imtihon natijalari rasman e’lon qilinganligini ma’lum qilamiz.
Natijalarni tekshirish tartibi: Talabgorlar o‘z ko‘rsatkichlarini my.gov.uz yagona interaktiv davlat xizmatlari portali — “Mening arizalarim” bo‘limi orqali ko‘rishlari hamda elektron sertifikatni yuklab olishlari mumkin.
Imtiyozlar tizimi: O‘zbekiston Respublikasi Vazirlar Mahkamasining 2025-yil 30-dekabrdagi 840-son qaroriga muvofiq:
-
A+, A daraja: Mutaxassislik fani bo‘yicha maksimal ball.
-
B+, B, C+, C daraja: Mutaxassislik fani bo‘yicha proporsional ball.
-
Barcha darajalar uchun: Majburiy fanlar blokida maksimal ball taqdim etiladi.
Eslatma: Akademik litseylarga kirishda sertifikat mavjudligi tegishli fandan to‘liq ball berilishiga asos bo‘ladi.