Pedagoglar attestatsiyasi–2026: Namunaviy testlar muhokamada va ilk saralash natijalari e’lon qilindi
2026-yilning bahor mavsumida o‘tkazilishi rejalashtirilgan malaka toifa attestatsiyasi doirasida fanlar va yo‘nalishlar bo‘yicha test talablari hamda namunaviy topshiriqlar jamoatchilik muhokamasi uchun ochiq e’lon qilindi. Mazkur tashabbus o‘qituvchilarning bilim darajasini baholash mezonlarini yanada shaffoflashtirish va ularga o‘z ustida ishlashlari uchun qulay imkoniyat yaratishga xizmat qiladi.
Raqamli platforma va bepul imkoniyatlar
O‘qituvchilarga qulaylik yaratish maqsadida maxsus @uztditestbot Telegram boti ishga tushirildi. Mazkur platforma orqali pedagoglar attestatsiya savollarining tuzilishi, murakkablik darajasi va talablari bilan bevosita tanishishlari mumkin.
Hozirgi kunda bot tizimida quyidagi fanlar bo‘yicha namunaviy testlar joylashtirilgan:
-
Filologiya: Ona tili va adabiyoti, ingliz tili, rus tili, rus tili va adabiyoti;
-
Aniq va tabiiy fanlar: Matematika, kimyo, biologiya, geografiya;
-
Ijtimoiy-iqtisodiy fanlar: Tarix, huquq, iqtisod;
-
Ixtisoslashtirilgan yo‘nalishlar: Boshlang‘ich ta’lim, CHQBT, tasviriy san’at hamda jismoniy tarbiya.
Peshqadam ishtirokchilar reytingi
Bugun, 4-fevral kuni platforma orqali test topshirib, eng yuqori natija qayd etgan pedagoglarning dastlabki ro‘yxati e’lon qilindi. Bu kabi reytinglar ustozlar o‘rtasida sog‘lom raqobatni shakllantirish va o‘z bilimiga bo‘lgan ishonchni orttirishga yordam beradi.
Eng yuqori natija ko‘rsatgan ishtirokchilar:
| № | Ishtirokchi ismi | Hudud |
| 1 | Islomova Sayyora | Qashqadaryo viloyati |
| 2 | Xoliyorov Samad | Surxondaryo viloyati |
| 3 | Shavkat Yo‘ldoshev | Andijon viloyati |
| 4 | Izbasarova Guljamal | Qoraqalpog‘iston Respublikasi |
| 5 | Atajanova Dilnoza | Toshkent viloyati |
| 6 | Shoafzal Daminov | Qashqadaryo viloyati |
| 7 | Tajibayeva Ozoda | Xorazm viloyati |
| 8 | Yusuf Ro‘ziyev | Navoiy viloyati |
| 9 | Akramova O‘g‘iloy | Farg‘ona viloyati |
(Eslatib o‘tamiz, ro‘yxatda ma’lumotlari to‘liq ko‘rsatilmagan ishtirokchilar ham mavjud bo‘lib, ular tizimga kiritilgan birlamchi ma’lumotlar asosida e’lon qilindi.)
Ma’lumotlarni kiritish bo‘yicha tavsiyalar
Ma’lumotlar ishtirokchilar tomonidan ro‘yxatdan o‘tish chog‘ida qanday kiritilgan bo‘lsa, tizimda aynan shu holatda aks etadi. Shu bois, kelgusida reyting jadvalida xatoliklar yuzaga kelmasligi uchun foydalanuvchilardan o‘z shaxsiy ma’lumotlarini (ism-familiya, hudud, fan yo‘nalishi) to‘liq va imlo xatolarisiz kiritishlari so‘raladi.
Teglar
Ulashing
O‘xshash xabarlar
