Respublika bo‘ylab 23–28-fevral kunlari fan olimpiadalari va saralash bosqichlari o‘tkaziladi
Fan olimpiadalari markazi tomonidan 2026-yilning 23–28-fevral kunlari mamlakatimizning barcha hududlarida navbatdagi fan olimpiadalari, nufuzli tanlovlar va saralash bosqichlari bo‘lib o‘tadi.
Mazkur haftalik doirasida quyidagi yo‘nalishlarda hududiy bosqichlar o‘tkazilishi rejalashtirilgan:
-
Al-Xorazmiy olimpiadasi;
-
Xalqaro ingliz tili olimpiadasi (saralashning 2-bosqichi);
-
STEM fan olimpiadasi.
Xalqaro ingliz tili olimpiadasi: Tartib va talablar
Joriy yilning 23-fevral kuni ingliz tili bo‘yicha hududiy saralash bosqichlari ikki xil toifada tashkil etiladi:
1. Boshlang‘ich (1–4-sinflar):
-
Vaqti: 09:00 dan 13:00 gacha.
-
Nazorat turi: Loyiha taqdimoti.
-
Imkoniyat: Taqdimot uchun 7 daqiqa vaqt ajratiladi va maksimal 20 ball bilan baholanadi.
2. Yuqori (5–11-sinflar):
-
Vaqti: 14:00 dan 18:00 gacha.
-
Nazorat turi: Sahna ko‘rinishi.
-
Imkoniyat: 7 daqiqa vaqt ajratiladi va maksimal 30 ball to‘plash mumkin.
Ishtirokchilar tarkibi: Birinchi bosqichda g‘olib bo‘lgan jamoalar hamda Prezident, ijod, tayanch ixtisoslashtirilgan maktablar va Al-Beruniy nomidagi xalqaro maktab-internati jamoalari ishtirok etish huquqiga ega.
Ishtirokchilar uchun muhim eslatma!
Olimpiada shaffofligini ta’minlash maqsadida qat’iy tartib o‘rnatilgan:
-
Auditoriyaga kirish: Jarayon boshlanishidan roppa-rosa 1 soat oldin to‘xtatiladi. Kechikib kelganlar qabul qilinmaydi.
-
Qayta o‘tkazilmaslik: Belgilangan vaqtda qatnashmagan o‘quvchilar uchun qayta olimpiada tashkil etilmaydi.
Shaffoflik va adolat kafolati
Fan olimpiadalari markazi jarayonlarning sifatli va obyektiv o‘tishini nazorat qiladi. Agar jarayon davomida adolat tamoyillariga zid holatlarga guvoh bo‘lsangiz, quyidagi aloqa kanallari orqali murojaat qilishingiz mumkin:
Ishonch telefoni: +998 71 207 05 24