Xotin-qizlar o‘rtasida ilmiy salohiyatni qo‘llab-quvvatlash: “Olima ayollar” tanloviga start berildi

O‘zbekiston Respublikasi Oliy ta’lim, fan va innovatsiyalar vazirligi huzuridagi Innovatsion rivojlanish agentligi Oila va xotin-qizlar qo‘mitasi bilan hamkorlikda “Olima ayollar” tanlovini e’lon qiladi.

Mazkur tanlov O‘zbekiston Respublikasi Prezidentining 2022-yil 7-martdagi PF-87-son Farmoni hamda Vazirlar Mahkamasining 2020-yil 9-martdagi 133-son qarori talablari asosida, xotin-qizlarning ilmiy salohiyatini oshirish va ularning innovatsion g‘oyalarini qo‘llab-quvvatlash maqsadida tashkil etilmoqda.

Tanlovning asosiy yo‘nalishlari

Loyihalar quyidagi fan yo‘nalishlari bo‘yicha qabul qilinadi:

• Arxitektura, qurilish va dizayn;

• Axborot texnologiyalari va AKT;

• Biologiya, biotexnologiya va ekologiya;

• Farmakologiya va farmatsevtika;

• Iqtisodiyot, huquq va ijtimoiy fanlar;

• Kimyo, nanotexnologiya va texnika fanlari;

• Matematika, fizika va mexanika;

• Qishloq xo‘jaligi, o‘rmon xo‘jaligi va veterinariya;

• Pedagogika va psixologiya;

• Tibbiyot, tarix va arxeologiya.

Tanlov shartlari va talablari

1. Ishtirokchilar: Ilmiy faoliyat subyekti hisoblangan muassasalar.

2. Loyiha miqdori: Loyihaning umumiy qiymati 2000 BHMdan oshmasligi lozim.

3. Muddati: Loyihani amalga oshirish davri 1 yil.

4. Yosh chegarasi: Ilmiy jamoaning o‘rtacha yoshi, qoida tariqasida, 45 yoshdan oshmasligi kerak.

5. Cheklov: Bir loyiha rahbari faqat bitta loyiha bilan ishtirok eta oladi.

6. Hujjatlar: Tegishli vazirlik yoki idoraning qo‘llab-quvvatlash xati hamda tashkilot Ilmiy kengashining bayonnomasi talab etiladi.

Arizalarni topshirish tartibi

Loyihalar 2026-yil 17-martdan 17-aprel soat 23:55 ga qadar faqat elektron shaklda loyiha.ilmiy.uz platformasi orqali qabul qilinadi.

Muhim eslatma: Loyiha taqdim etayotgan shaxslar id.ilmiy.uz tizimidan ro‘yxatdan o‘tgan bo‘lishlari (ScienceID) va ma’lumotlarni davlat tilida (lotin alifbosida) kiritishlari shart.

Ekspertiza va natijalar

Har bir fan yo‘nalishi bo‘yicha ekspertiza natijalariga ko‘ra eng yuqori ball to‘plagan 1 tadan loyiha moliyalashtirishga tavsiya etiladi. Tanlov bosqichlari haqidagi ma’lumotlar foydalanuvchining shaxsiy kabinetida aks ettirib boriladi.

Bog‘lanish uchun: Batafsil ma’lumot va texnik yordam uchun Innovatsion rivojlanish agentligi mas’ul xodimlariga murojaat qilishingiz mumkin: 📞 Telefon: +99871 203-32-23