Imtihonlarga 2 oy qoldi: 2026-yilgi qabulda sizni nimalar kutmoqda?
O‘zbekiston Respublikasi Prezidentining tegishli farmoniga muvofiq, 2026/2027-o‘quv yili uchun oliy ta’lim muassasalariga qabul jarayonlari “avval test, so‘ng tanlov” tamoyili asosida ikki bosqichda tashkil etiladi.
Qabul bosqichlari va muddatlari
Birinchi bosqich: Ro‘yxatdan o‘tish (5-iyundan 25-iyunga qadar) Abituriyentlar YIDXP yoki My.uzbmb.uz portali orqali ro‘yxatdan o‘tadilar. Ushbu bosqichda quyidagilar tanlanadi:
-
Test topshiriladigan fanlar majmuasi;
-
Ta’lim tili va test topshirish hududi;
-
Kasbiy (ijodiy) imtihon topshiriladigan OTM (agar yo‘nalishda mavjud bo‘lsa).
-
Eslatma: Imtihonlar iyul–avgust oylarida o‘tkaziladi.
Ikkinchi bosqich: Yo‘nalish tanlash Test sinovlari to‘liq yakunlanganidan so‘ng, abituriyentlarga 15 kun muddat beriladi. Bunda nomzodlar to‘plagan ballaridan kelib chiqib, beshtagacha bakalavriat ta’lim yo‘nalishini, ta’lim shakli va OTMni tanlaydilar.
Imtihon bloki va baholash mezonlari
2026-yilgi baholash mezonlari o‘tgan yilgi tartibda saqlanib qolgan. Jami 5 ta fan bo‘yicha 90 ta savol beriladi. Maksimal ball — 189.0.
1. Majburiy fanlar (Barcha uchun):
-
Ona tili (o‘zbek, rus, qoraqalpoq) — 10 ta savol;
-
Matematika — 10 ta savol;
-
O‘zbekiston tarixi — 10 ta savol.
-
Ball: Har bir to‘g‘ri javob uchun 1.1 ball (Jami: 33 ball).
2. Mutaxassislik fanlari:
-
1-fan: 30 ta savol × 3.1 ball = 93.0 ball;
-
2-fan: 30 ta savol × 2.1 ball = 63.0 ball.
Sertifikatlar va imtiyozlar tizimi
Chet tili sertifikatlari (B1 va B2): Yangi tahrirdagi nizomga ko‘ra, chet tili fanidan imtiyozlar quyidagicha taqsimlanadi:
-
B2 va undan yuqori darajadagi sertifikat egalariga: Chet tili fanidan maksimal ball beriladi.
-
B1 darajadagi sertifikat egalariga: Mazkur fandan belgilangan maksimal ballning 75 foizi miqdorida ball beriladi.
-
Muhim: B1 bo‘yicha imtiyoz muddati tugamagan barcha amaldagi sertifikatlarga taalluqlidir.
Xalqaro SAT imtihoni: Vazirlar Mahkamasining 578-son qaroriga muvofiq, SAT (Scholastic Assessment Test) natijalari OTMga kirishda inobatga olinadi.
Milliy sertifikatlar bo‘yicha eslatma: Aniq fanlar (matematika, fizika va h.k.) bo‘yicha olingan milliy sertifikatlar abituriyent qaysi tildagi guruhga (o‘zbek yoki rus) topshirishidan qat’i nazar inobatga olinadi. Faqat “Ona tili va adabiyot” fani bo‘yicha sertifikatlar mos til guruhlariga amal qiladi.
Statistika va foydali manbalar
2025-yilgi test sinovlarida jami 614 768 nafar abituriyent ishtirok etgan. Shundan 41,2 foizi o‘tish chegarasi hisoblangan 56,7 balni to‘play olmagan.
Foydali havolalar:
-
O‘tish ballari va kontrakt miqdorlari: @mandat_javobbot
- Takroriy topshiruvchilar uchun to‘lov tartibi: Batafsil ma’lumot