Maktab o‘quvchilari uchun sovrinlarga boy tanlov - Registon Gran-prisi

"Registon" o‘quv markazi va RegImtihon.uz platformasi hamkorlikda "Kelajak liderlari granti" tanlovini ochiq deb e‘lon qiladi. Ushbu tanlov O‘zbekistondagi maktab o‘quvchilari (3-10-sinf) uchun tashkil etilmoqda. Tanlovdan maqsad - bilimli va iqtidorli yoshlarga bepul ta’lim berish va ularni moliyaviy rag‘batlantirish.

"Kelajak liderlari" granti tanlovi - bu O‘zbekiston ta’limi kelajagiga befarq bo‘lmagan "Registon" ta’lim loyihasi tomonidan ishlab chiqilgan navbatdagi ijtimoiy loyiha bo‘lib, bu orqali eng iqtidorli yoshlarni bepul o‘qitish va munosib rag‘batlantirish ko‘zda tutilgan.

Tanlov kimlar uchun?

O‘zbekistondagi barcha maktablarning 3-10-sinfgacha bo‘lgan o‘zbek va rus sinf o‘quvchilari uchun.

Tanlov ishtirokchilari ikki asosiy segmentga bo‘linadi:

1. Kichik guruh – 3-sinfdan 6-sinfgacha bo‘lgan o‘quvchilar.

2. Katta guruh – 7-sinfdan 10-sinfgacha bo‘lgan o‘quvchilar.

Qo‘shimcha imkoniyat:

"Registon"da ayni damda tahsil olayotgan o‘quvchilar ham tanlovda to‘liq ishtirok etishlari va qimmatbaho sovrinlar uchun kurashishlari mumkin bo‘ladi.

Tanlovga ro‘yxatdan o‘tish

"Kelajak liderlari granti" tanlovida ishtirok etish istagida bo‘lgan talabgorlar @Registon_grant_pri_bot orqali ro‘yxatdan o‘tishadi va RegImtihon.uz platformasida tanlovning maxsus "Shaxsiy kabineti"ni faollashtirishadi.

• Ro‘yxatdan o‘tishning oxirgi sanasi: 7-may, 00:00.

Tanlov bosqichlari

• "Kelajak liderlari granti" tanlovi 3 bosqichdan iborat. Tanlov bosqichlari maxsus baholash tizimi asosida baholanadi hamda eng munosib ishtirokchilar taqdirlanadi.

Birinchi bosqich

• Ushbu bosqichda tanlovda ishtirok etuvchi nomzodlar RegImtihon.uz platformasi orqali Respublika miqyosida onlayn imtihon topshiradilar.
• Onlayn imtihonda ishtirokchilar matematika (arifmetika) va ingliz tili grammatikasi bo‘yicha umumiy 50 ta test savollariga javob berishadi. Savollar o‘zbek va rus tillarida ishtirokshilarning talabiga binoan taqdim etiladi. Har bir to‘g‘ri javob uchun 2 ball beriladi. Minimal o‘tish balli 80 ballni tashkil etadi.
• Tanlovining 1-bosqichi 8-may kuni soat 10:00 da boshlanadi va shu kuni soat 00:00 da yakunlanadi.
• Barcha nomzodlar belgilangan vaqt oralig‘ida 60 daqiqa davom etuvchi onlayn imtihonda ishtirok etishadi. Tanlovning maxsus onlayn imtihon platformasi 8-may kuni soat 00:00 da yopiladi.
• Ikkinchi bosqichga o‘tgan nomzodlar uchun maxsus SMS xabarnoma va "Shaxsiy kabinet" orqali xabar jo‘natiladi.

❗ Ishtirokchilar uchun qat’iy eslatmalar:

• Tanlov boshlanishidan oldin tanlov nizomi bilan yaxshilab tanishib chiqing;
• Birinchi bosqichda ishtirok etishdan oldin "Registon" o‘quv markazi haqida, uning filiallari, joylashgan manzillari bo‘yicha barcha ma’lumotlar bilan tanishib chiqing;
• Ishtirokchilar 1-bosqichga ro‘yxatdan o‘tish jarayonida o‘zlariga yaqin va qulay bo‘lgan "Registon" o‘quv markazi filialini tanlashlari lozim. Chunki ishtirokchilar 2-bosqich imtihonlarini aynan o‘zlari tanlagan filial binosida oflayn tarzda topshirishadi.
• Nomzodlar ro‘yxatdan o‘tish vaqtida qaysi filialni tanlashsa, g‘olib bo‘lgach aynan shu tanlagan filiallarida tahsil olishlari mumkin bo‘ladi. Boshqa filialda imtihon topshirib, boshqa filialda o‘qish mumkin emas!
• Tanlov ishtirokchilari ro‘yxatdan o‘tish vaqtida shaxsiy ma’lumotlarining to‘g‘ri va aniq to‘ldirilayotganligiga ahamiyat berishlari lozim. Nomzodlardan shaxsiy va doimiy faol bo‘lgan telefon raqam orqali ro‘yxatdan o‘tish talab etiladi.

Eslatma:

"Shaxsiy kabinet" shakllantirish uchun ro‘yxatdan o‘tkazilgan telefon raqamlarga maxsus SMS xabarnomalar jo‘natilishi yoki "Call-markaz" tomonidan qayta aloqaga chiqilishi mumkin.

Ikkinchi bosqich

• Ikkinchi bosqich imtihonlari 11-may kuni "Registon" o‘quv markazining Respublika bo‘ylab barcha filiallarida oflayn tarzda o‘tkaziladi.
• Ushbu bosqich 1-bosqichda yuqori va yetarli ball to‘plagan ishtirokchilar o‘rtasida bo‘lib o‘tadi. Ishtirokchilar ro‘yxatdan o‘tishda o‘zlari tanlagan filial binosida 2-bosqich imtihonlarida qatnashishadi.
• Ikkinchi bosqich imtihonida ishtirokchilar matematika (arifmetik amallar va murakkab masalalar) va Ingliz tilining turli bo‘limlari (grammatika, reading) bo‘yicha jami 60 ta test savollariga javob berishadi. Savollar o‘zbek va rus tillarida ishtirokchilarning talabiga binoan taqdim etiladi. Har bir to‘g‘ri javob uchun 0.9 balldan 2.6 ballgacha baho beriladi. Maksimal ball 100 ni tashkil etadi.
• Bu bosqichda har bir sinf bo‘yicha o‘quvchilar saralab olinadi. Har bir sinf kesimida 3 nafar o‘quvchi grant bilan taqdirlanadi. 1-o‘rin uchun 70%, 2-o‘rin uchun 60% va 3-o‘rin uchun 50% lik grantlar taqdim etiladi. Hamda har bir sinf kesimida eng yuqori natija ko‘rsatgan 1 nafar o‘quvchi tanlovning 3-bosqichi ya’ni Respublika bosqichiga yo‘llanma oladi.
• Nomzodlar o‘rtasida ballar teng bo‘lib qolsa, qo‘shimcha test variantlari orqali yakuniy natija belgilanadi.
• Agar ballar yana teng bo‘lsa, maxsus fan komissiyasi a’zolari tomonidan baholash asosida g‘olib aniqlanadi.
• Natijalaridan qoniqmagan yoki norozi bo‘lgan ishtirokchilar natijalar e’lon qilinganidan so‘ng 3 kun ichida apellyatsiya uchun ariza topshirishlari mumkin.

Uchinchi bosqich

• Uchinchi bosqich tanlovning hal qiluvchi bosqichi hisoblanadi.
• Bu bosqich 18-may kuni Respublika miqyosida o‘tkaziladi. Respublika bosqichida har bir hududda eng yuqori natija ko‘rsatgan ishtirokchilar o‘zaro bellashadilar. Yakuniy g‘oliblar aynan ushbu bosqichda aniqlanadi.
• G‘oliblar 25-may kuni qimmatbaho esdalik sovg‘alar va g‘oliblik sertifikatlari bilan taqdirlanadilar.Respublika bosqichida quyidagi ishtirokchilar qatnashadi:
• 2-bosqichda har bir sinf kesimida eng yuqori ball to‘plagan o‘quvchilar
• Har ikki asosiy segment (kichik guruh – 3–6-sinflar va katta guruh – 7–10-sinflar) bo‘yicha saralangan finalchilar
• Mazkur bosqich – tanlovning yakuniy bosqichi bo‘lib, unda barcha hududlardan eng yuqori natijalarni qayd etgan o‘quvchilar o‘zaro raqobatlashadi. Yakuniy g‘oliblar ushbu bosqichda aniqlanadi.
• Respublika bosqichi oflayn shaklda, Toshkent shahridagi “Registon” xususiy maktabida o‘tkaziladi.
• 3-bosqich imtihonida ishtirokchilar matematika (murakkab masalalar va IQ ga oid mantiqiy testlar) hamda Ingliz tilining turli bo‘limlari (grammatika, reading) bo‘yicha jami 60 ta test savollariga javob berishadi. Har bir to‘g‘ri javob uchun 0.9 balldan 2.6 ballgacha baho beriladi. Maksimal ball 100 ni tashkil etadi.

Tanlov g‘oliblarini rag‘batlantirish

• Har bir sinf doirasida eng yuqori ball to‘plagan 1-o‘rin egalari noutbuk bilan taqdirlanadi.
• 2-3-o‘rin egalari planshet va smartfonlar bilan mukofotlanadi.

Qo‘shimcha rag‘batlantiruvchi dasturlar

"Eng faol o‘qituvchi" nominatsiyasi

• Tanlov doirasida o‘qituvchilar uchun alohida shaxsiy kabinet yaratiladi. Ushbu kabinetga kirish uchun maxsus havola (link) taqdim etiladi.
• Ustozlar berilgan maxsus havolani maktab guruhlariga va o‘quvchilarga yuborishlari mumkin.
• Ushbu havola orqali ro‘yxatdan o‘tgan har bir o‘quvchi referal tizimi asosida ustoz kabinetida aks etadi.
• Har bir ro‘yxatdan o‘tgan ishtirokchi ustoz nomi bilan bog‘lanadi va statistika avtomatik tarzda shakllanadi.
• Mazkur tizim orqali ustozlar o‘z o‘quvchilarining faoliyatini kuzatib borish, ularni saralash bosqichlariga tayyorlash va tanlovda faol ishtirok etishini ta’minlash imkoniyatiga ega bo‘ladilar.

🏆 Eng ko‘p o‘quvchi ro‘yxatdan o‘tkazgan ustozlar uchun maxsus sovg‘alar (noutbuk, smartfon, Smart TV) va boshqa maxsus sovg‘alar topshiriladi.

"Eng faol maktab" nominatsiyasi

• Tanlov doirasida eng ko‘p o‘quvchisi qatnashgan umumta’lim maktablari alohida e’tirof etiladi.
• Eng ko‘p o‘quvchisi ishtirok etgan maktabga "Registon Kubogi" tantanali ravishda topshiriladi.
• Shuningdek, ta’lim jarayonini qo‘llab-quvvatlash maqsadida maxsus sovrinlar (televizor va boshqa zamonaviy jihozlar) taqdim etiladi.

👉 Tanlovga ro‘yxatdan o‘tish: @Registon_grant_pri_bot

"Registon" o‘quv markazi o‘zining bo‘lajak eng iqtidorli o‘quvchilariga omad tilaydi!

Tanlov bo‘yicha savol va murojaatlaringiz bo‘lsa, +998 78 113 27 00 raqami yoki (@Registon_Admin) telegram manziliga yuborishingiz mumkin!