Mudofaa vazirligi oliy harbiy ta’lim muassasalariga qabul boshlanishini e’lon qiladi

2026-yilning 1-fevralidan boshlab O‘zbekiston Respublikasi Mudofaa vazirligi tizimidagi oliy harbiy ta’lim muassasalariga o‘qishga kirish niyatida bo‘lgan nomzodlardan arizalar qabul qilinishi boshlanadi.

Amaldagi tartibga muvofiq, nomzodlar hujjatlarini tuman yoki shahar Mudofaa ishlari bo‘limlari orqali topshirishlari mumkin. Arizalarni ko‘rib chiqish jarayonida belgilangan talablar va muddatlarga qat’iy rioya etish talab etiladi.

Shuningdek, joriy yilda nomzodlarga qo‘shimcha qulaylik yaratish maqsadida Mudofaa vazirligi tomonidan arizalarni masofadan qabul qilishga mo‘ljallangan maxsus elektron platformani ishga tushirish rejalashtirilgan. Mazkur onlayn tizimning imkoniyatlari va undan foydalanish tartibi haqida qo‘shimcha ma’lumotlar tez orada e’lon qilinadi. Eslatib o‘tamiz, qabul jarayonlari bir necha bosqichda amalga oshiriladi va saralash natijalari belgilangan tartibda rasman ma’lum qilinadi.