O‘zbekistondagi oliy taʼlim muassasalari sonini bilarmidingiz?

1940/1941-o‘quv yilida O‘zbekistonda 30 ta oliy o‘quv yurti bo‘lib, ularda 19.061 nafar talaba o‘qigan.

Keyinchalik, jahon urushi o‘qishga salbiy taʼsir qilib, taʼlim oladigan talabalar soni keskin kamayib ketgan.

Mustaqillik arafasida O‘zbekistonda 41 ta oliy o‘quv yurti bo‘lib, ulardan: 3 tasi universitet, 15 tasi pedagogika, 7 tasi texnika, 5 tasi tibbiyot, 3 tasi iqtisod, 4 tasi qishloq xo‘jaligi, 3 tasi sanʼat, 1 tasi jismoniy tarbiya va sport instituti.

2002-yil O‘zbekistonda oliy o‘quv yurtlari soni 61 tani tashkil etdi. Bulardan 18 tasi universitet bo‘lib, 2001/2002-o‘quv yilida 61 ta oliy o‘quv yurtlarida 207,2 ming nafar talaba taʼlim oldi.

Bugungi kunga kelib esa O‘zbekistondagi oliy taʼlim muassasalari soni 213 taga yetdi. Bulardan: 116 tasi davlat, 67 tasi nodavlat, 30 tasi esa xorijiy oliy taʼlim muassasasi hisoblanadi.