Rasman: “Qishki perevod” natijalari qachon e’lon qilinishi ma’lum bo‘ldi

Bahorgi semestr uchun o‘qishni ko‘chirish (o‘qishini ko‘chirib tiklash) istagida bo‘lgan talabalar diqqatiga! Talabalar va ularning ota-onalaridan kelib tushayotgan ko‘plab savollarga javob olish maqsadida tahririyatimiz Oliy ta’lim, fan va innovatsiyalar vazirligi bilan bog‘landi.

Natijalar qachon chiqadi?

Vazirlik mutasaddilarining ma’lum qilishicha, natijalar bugun, 10-fevral kuni kechga qadar yoki uzog‘i bilan ertaga, 11-fevral ertalab e’lon qilinishi kutilmoqda.

Hozirda arizalarni ko‘rib chiqish va yakuniy qaror qabul qilish jarayoni o‘z nihoyasiga yetmoqda.

Tartib qanday?

Vazirlar Mahkamasining 2025-yil 13-sentyabrdagi 578-sonli qaroriga muvofiq:

• Talabalar o‘qishini ko‘chirish bo‘yicha arizalarni ko‘rib chiqish muddati 21-yanvardan 10-fevralgacha (shu kuni ham) etib belgilangan.

• Aynan shu sababli, bugun barcha jarayonlar yakunlanib, javoblar e’lon qilinishi rejalashtirilgan.

Ma’lumot uchun: Avvalgi yillarda qachon e’lon qilingan?

Taqqoslash uchun, so‘nggi uch yilda bahorgi semestr uchun o‘qishni ko‘chirish natijalari quyidagi vaqtlarda e’lon qilingan edi:

• 2025-yil: 21-fevral, soat 12:35

• 2024-yil: 13-fevral, soat 10:36

• 2023-yil: 16-fevral, soat 21:34

Eslatma: Joriy yilda hukumat qarori bilan belgilangan muddatlar qat’iy nazoratga olingan, shu sababli natijalar kechikmasdan e’lon qilinishi kutilmoqda.