Ta’lim sohasida muhim tayinlovlar: Prezident Administratsiyasi va Ilmiy-metodik markazda yangi rahbarlar

Prezident Administratsiyasida yangi loyiha koordinatori

Prezident Administratsiyasi rahbarining farmoyishiga muvofiq, Yuliya Vasilyevna Risyukova Administratsiya rahbarining ta’limni isloh qilish bo‘yicha o‘rinbosari bo‘linmasining loyiha koordinatori lavozimiga tayinlandi.

Shu munosabat bilan u Ta’limni rivojlantirish respublika ilmiy-metodik markazi direktori lavozimidan ozod etildi.

Ma’lumot uchun: Yuliya Risyukova faoliyati davomida Ta’limni rivojlantirish respublika ilmiy-metodik markazi direktori o‘rinbosari va direktor vazifasini vaqtincha bajaruvchisi lavozimlarida ham samarali mehnat qilgan.

Ilmiy-metodik markazga yangi direktor tayinlandi

Yuliya Risyukovaning boshqa ishga o‘tishi munosabati bilan, Shaxzodbek Karimovich Kurbaniyazov Ta’limni rivojlantirish respublika ilmiy-metodik markazi direktori etib tayinlandi.

Yangi rahbar zimmasiga ta’lim tizimidagi ilmiy-metodik ishlarni muvofiqlashtirish va o‘quv dasturlarini takomillashtirish kabi strategik vazifalar yuklatilishi kutilmoqda.