“Yil oʻqituvchisi — 2026”: 2-bosqich baholash mezonlari bilan tanishing!

Maktabgacha va maktab taʼlimi vazirining tegishli buyrugʻiga asosan, tanlovning ikkinchi bosqichi uchun baholash tartibi rasman tasdiqlandi.

Ishtirokchilar umumiy 100 ballik tizimda baholanadi:

• Hakamlar hay’ati: 10 ta mezon boʻyicha (maksimal 60 ball);

• Hamkasblar (pedagoglar) ovozi: (maksimal 40 ball).

Asosiy 10 ta mezon:

1. Dars maqsadlarining aniqligi va natijadorligi.

2. Vaqtni toʻgʻri taqsimlash va dars strukturasi.

3. AKT va interaktiv vositalardan samarali foydalanish.

4. Zamonaviy metodlar: 5E, PBL, Inquiry-based kabi yondashuvlar.

5. Mavzuni mantiqiy va ravon tushuntirish.

6. Nazariyani hayot bilan bogʻlash.

7. Oʻquvchilar faolligi va teng imkoniyatlar.

8. Tanqidiy va tahliliy fikrlashni shakllantirish.

9. Ijobiy psixologik muhit va tarbiyaviy elementlar.

10. Konstruktiv qayta aloqa (feedback) va baholash.

Maʼlumot uchun: “Yil oʻqituvchisi” tanlovi Tashkiliy qoʻmitasining qaroriga asosan, tanlovning ikkinchi bosqichi joriy yilning 10-fevral kuni belgilangan umumtaʼlim maktablarida boshlanishi rejalashtirilgan.