OTMlar moliyaviy tahlili: Toshkent davlat iqtisodiyot universiteti daromad bo‘yicha, Qoraqalpoq davlat universiteti foyda bo‘yicha yetakchi
Oliy ta’lim, fan va innovatsiyalar vazirligi 2025-yil yakunlari bo‘yicha davlat oliy ta’lim muassasalarining moliyaviy hisobotini e’lon qildi. Raqamlar shuni ko‘rsatadiki, o‘tgan yili tizimda xarajatlar daromaddan biroz ustun kelgan.
Umumiy ko‘rsatkichlar: O‘tgan yili barcha universitetlarning umumiy daromadi 12 trln so‘mni tashkil etgan bo‘lsa, xarajatlar qariyb 12,3 trln so‘mga yetdi. Bu esa tizimda qariyb 300 mlrd so‘mlik defitsit shakllanganidan dalolat beradi.
Daromad bo‘yicha peshqadamlar:
-
Toshkent davlat iqtisodiyot universiteti (TDIU) — 909 mlrd so‘m (Eng yuqori daromad va xarajat: 886,2 mlrd so‘m).
-
O‘zbekiston Milliy universiteti (O‘zMU) — 650 mlrd so‘m.
-
Qoraqalpoq davlat universiteti — 571,2 mlrd so‘m.
Eng rentabelli va zarar ko‘rgan OTMlar: Sof foyda bo‘yicha Berdaq nomidagi Qoraqalpoq davlat universiteti (77,7 mlrd so‘m) yetakchilik qilmoqda. Aksincha, Navoiy davlat pedagogika instituti (93,8 mlrd so‘m) va Qo‘qon davlat pedagogika instituti (73,7 mlrd so‘m) yillik faoliyatini katta zarar bilan yakunlagan.