Ustama belgilashda inobatga olinadigan tanlovlar ro‘yxati kengaymoqda

Oʻzbekiston Respublikasi Vazirlar Mahkamasining 2019-yil 30-sentyabrdagi 823-sonli qarori bilan tasdiqlangan Nizomning 1 ilovasidagi 2- va 3-pozitsiyalarini amaliyotda qoʻllashda, yaʼni 2025-2026 oʻquv yili uchun umumtaʼlim muassasalaridagi oʻqituvchilarning bazaviy tarif stavkalariga har oylik ustamalar belgilanishida baholash uchun fan olimpiadalari, koʻrik tanlovlar, musobaqalar, tadbirlar roʻyxati vazirlikning 2025-yil 13-yanvardagi 03-14-75-sonli kuzatuv xati orqali hududiy boshqaruv organlariga yuborilgan edi.

Ushbu xatga qoʻshimcha tarzda 2025-yil 13-mart sanasida 03-14-769-sonli koʻrsatma xati yuborildi.Unga koʻra, qoʻshimcha tarzda “Al-Xorazmiy nomidagi aniq va tabiiy fanlar olimpiadasi” hamda “Ixtirochilikka qadam” koʻrik tanlovlari ham umumtaʼlim muassasalaridagi oʻqituvchilarning bazaviy tarif stavkalariga har oylik ustamalar belgilanishida inobatga olinishi koʻzda tutilmoqda.