Qishloq xo‘jaligi xodimlarining farzandlari kamaytirilgan to‘lov-kontrakt asosida o‘qishga qabul qilinishi belgilandi

Prezident Shavkat Mirziyoyev qishloq xo‘jaligida ilm-fan va ta’lim tizimini tubdan isloh qilishga qaratilgan yangi takliflar bilan tanishdi. Asosiy maqsad — diplomli ishsizlar sonini kamaytirish va sohani raqamlashtirish.

Asosiy o‘zgarishlar:

• Yagona ilmiy markaz: 22 ta ilmiy markaz va 260 ta laboratoriya birlashtirilib, Qishloq xo‘jaligi fanlari akademiyasi tashkil etiladi.

• Amaliyotga urg‘u: Toshkent davlat agrar universitetining 9 mingdan ortiq talabasi bevosita agroklasterlar va ilmiy-tadqiqot institutlarida amaliyot o‘taydi.

• 3 yillik bakalavriat: Yettita yo‘nalish bo‘yicha o‘qish muddati 4 yildan 3 yilga qisqartiriladi.

• Zamonaviy ko‘nikmalar: Endi talabalar nafaqat nazariya, balki agrodronlarni boshqarish va traktorchi-mashinistlik guvohnomasini olish uchun ham o‘qitiladi.

Muhim imtiyoz: Fermer va uning xodimlarining farzandlari uchun universitetga kirishda ballari yetmagan taqdirda, kamaytirilgan to‘lov-kontrakt asosida qabul qilish tizimi joriy etiladi.