1400 nafar yoshlar uchun BEPUL IELTS o‘qish imkoniyati | Registon IELTS Granti 5-mavsum

"Registon" o‘quv markazi Respublika miqyosida navbatdagi "Registon IELTS Granti" tanlovining 5-mavsumini ochiq deb e’lon qiladi. Ushbu Grant orqali O‘zbekiston bo‘ylab 1400 nafar ingliz tiliga qiziquvchi yoshlarni mutlaqo bepul o‘qitish rejalashtirilgan.

Registon IELTS Granti - bu O‘zbekiston ta’limi kelajagiga befarq bo‘lmagan "Registon" o‘quv markazi tomonidan an’anaviy tarzda o‘tkaziladigan navbatdagi ijtimoiy loyiha bo‘lib, bu orqali eng iqtidorli yoshlarni bepul o‘qitish va munosib rag‘batlantirish ko‘zda tutilgan.

Tanlovning asosiy maqsadi Respublika miqyosida tahsil olayotgan yoshlarning ingliz tili savodxonlik darajasini oshirish, iqtidorli yoshlarni qo‘llab-quvvatlash hamda ularni moliyaviy rag‘batlantirish orqali O‘zbekiston ta’lim tizimini yanada rivojlantirishdan iborat.

"Registon" IELTS Granti tanlovi g‘oliblari qanday imkoniyatlarga ega bo‘lishadi?

• "Registon" IELTS Grantining maxsus g‘oliblik sertifikati;

• Ro‘yxatdan o‘tish vaqtida o‘zlari tanlagan "Registon" o‘quv markazi filiallaridan birida 3 oy mobaynida IELTS kurslarida grant asosida bepul o‘qish imkoniyati;

• "Registon"ning maxsus IELTS materiallari va o‘quv-qo‘llanmalaridan bepul foydalanish imkoniyati;

• O‘quv markaz tomonidan tashkil etiladigan Mock imtihonlarida bepul qatnashish va imtihonda rasmiy materiallaridan bepul foydalanish imkoniyati;

• Ko‘p yillik tajribaga ega IELTS 9.0 sertifikatli mentorlardan qo‘shimcha darslar olish imkoniyati;

• "Registan App" maxsus ilovasi orqali tajribali IELTS ekspertlaridan onlayn darslar va qo‘shimcha mashg‘ulotlar olish imkoniyati;

• "Registon" o‘quv markazining "Support teacher" xizmatidan o‘quv jarayonlari davomida istalgan vaqtda foydalanish imkoniyati;

• O‘quv jarayonlari yakunlangandan so‘ng eng yuqori ko‘rsatkichga ega bo‘lgan nomzodlar "Registan HR department" tomonidan ishga qabul qilinadi;

• Shuningdek, tanlovda ishtirok etgan nomzodlarning barchasiga maxsus QR kodli sertifikatlar topshiriladi.

Ma’lumot uchun, "Registon" ta’lim loyihasi - bu 2014-yilda tashkil topgan O‘zbekistondagi eng yirik xususiy ta’lim tashkilotlaridan biri bo‘lib, u Respublika bo‘ylab IELTS va chet tillariga ixtisoslashgan 40 dan ortiq o‘quv markazlari, shuningdek, "Registon" xususiy maktablari, "Registon" tibbiyot texnikumlari, "Registon" xususiy bog‘chalari, "Registon" xususiy nashriyoti, "Registon" IT kompaniyasi, "Registon" imtihonlar markazi, "Registon" onlayn maktabi kabi yirik ta’lim loyihalarni o‘z ichiga oladi.

Hozirgi vaqtda "Registon" o‘quv markazida ja’mi 30 mingga yaqin yoshlar sifatli ta’lim olishmoqda, shuningdek, "Registon" xususiy nashriyoti tomonidan chop etiladigan o‘quv qo‘llanmalar va darsliklardan har yili 100 mingdan ortiq yoshlar foydalanib kelishmoqda. "Registon"ning 11 yillik tarixi davomida 150.000 mingdan ziyod yoshlar muvaffaqiyatli ta’lim olishgan.

Tanlov tashkilotchilari:

• "Registon" ta’lim loyihasi

Targ‘ibot hamkorlari:

• Yoshlar Ishlari Agentligi, IDP IELTS tashkiloti

Grantning umumiy qiymati:

• Yoshlarning ta’lim olishi uchun umumiy 3.2 milliard so‘m grant ajratilgan

Grant uchun kvotalar:

• Joriy o‘quv yilida 1400 nafar iqtidorli yoshlar grant g‘olibi bo‘lishlari mumkin.

• Joriy o‘quv yilida nomzodlarning tashabbuslari va takliflari tanlovning maxsus komissiyasi tomonidan o‘rganib chiqilib, keyingi o‘quv yillaridan boshlab grant sovrindorlari soni va ularga beriladigan grant miqdorlari oshirib boriladi.

Tanlov kimlar uchun?

• Ingliz tili (General English) darajalari bo‘yicha Intermediate va undan yuqori darajada bo‘lgan, "Registon" o‘quv markazida ta’lim olishni istagan yosh chegarasi 30 bo‘lgan barcha yoshlar uchun;

• YANGILIK! Ushbu 5-mavsumda oldingi yillardagidan farqli ravishda "Registon" o‘quv markazida ta’lim olayotgan o‘quvchilar ham ishtirok etishlari va grant o‘rinlariga ega chiqishlari mumkin!

Tanlovga ro‘yxatdan o‘tish

"Registon IELTS Granti" tanlovida ishtirok etish istagida bo‘lgan talabgorlar telegramda @Rgn_IG5_bot orqali ro‘yxatdan o‘tishadi va RegImtihon.uz platformasida tanlovning maxsus "Shaxsiy kabineti"ni faollashtiradi.

• Ro‘yxatdan o‘tishning oxirgi sanasi: 14-fevral, 23:59

Tanlov bosqichlari

"Registon IELTS Granti" tanlovi 2 bosqichdan iborat. Tanlov bosqichlari umumiy baholash tizimi asosida baholanadi hamda eng munosib ishtirokchilar munosib taqdirlanadi.

Birinchi bosqich va baholash tizimi

• Ushbu bosqichda tanlovda ishtirok etuvchi nomzodlar RegImtihon.uz platformasi orqali Respublika miqyosida onlayn imtihon topshiradilar.

• Onlayn imtihonda ingliz tilining turli bo‘limlaridan (grammar, reading, vocabulary) 60 ta test savoli beriladi. Ular yuqoridagidek taqsimlanadi.

• Tanlovning 1-bosqichi 15-fevral kuni soat 10:00 da boshlanadi va shu kuni soat 23:59 da yakunlanadi.

• Barcha nomzodlar belgilangan vaqt oralig‘ida 60 daqiqa davom etuvchi onlayn imtihonda ishtirok etishadi. Tanlovning maxsus onlayn imtihon platformasi shu kuni soat 23:59 yopiladi.

• 1-bosqichdan 2-bosqichga o‘tish uchun minimal talab etiladigan ball - 65 ballni tashkil etadi. Agar imtihonda ishtirok etuvchi talabgor 1-bosqichda yetarli ball to‘play olmasa, 2-bosqichga yo‘llanma olmaydi.

Izoh: Agar nomzodlar orasida 80 balldan yuqori natija ko‘rsatgan talabgorlar soni belgilangan kvota doirasidan oshib ketsa, bu vaziyatda eng yuqori natija ko‘rsatgan nomzodlar kvota doirasida 2-bosqichga yo‘llanma olishadi.

• 2-bosqichga o‘tuvchi nomzodlar soni "Registon" o‘quv markazi filiallari kesimida quyidagicha taqsimlangan:

• Ikkinchi bosqichga o‘tgan nomzodlar uchun maxsus SMS xabarnoma va "Shaxsiy kabinet" orqali xabar jo‘natiladi.

❗ Ishtirokchilar uchun qat’iy eslatmalar:

• Tanlov boshlanishidan oldin yo‘riqnoma bilan yaxshilab tanishib chiqing;

• Birinchi bosqichda ishtirok etishdan oldin "Registon" o‘quv markazi haqida, uning filiallari, joylashgan manzillari bo‘yicha barcha ma’lumotlar bilan tanishib chiqing;

• "Registon" o‘quv markazining aynan qaysi filialida tahsil olishingizni belgilab oling. Chunki birinchi bosqich imtihonida ishtirokchilar qaysi filialni tanlashsa, yakuniy imtihon ham aynan shu filialda (oflayn) formatda bo‘lib o‘tadi va grant tanlangan filial doirasida taqsimlanadi;

• Tanlov ishtirokchilari ro‘yxatdan o‘tish vaqtida shaxsiy ma’lumotlarining to‘g‘ri va aniq to‘ldirilayotganligiga ahamiyat berishlari lozim. Nomzodlardan shaxsiy va doimiy faol bo‘lgan telefon raqam orqali ro‘yxatdan o‘tish talab etiladi

Eslatma: "Shaxsiy kabinet" shakllantirish uchun ro‘yxatdan o‘tkazilgan telefon raqamlarga maxsus SMS xabarnomalar jo‘natilishi yoki "Call-markaz" tomonidan qayta aloqaga chiqilishi mumkin

Ikkinchi bosqich va baholash tizimi

• Ushbu bosqich "Registon IELTS Granti" tanlovining eng asosiy hal qiluvchi bosqichi bo‘lib, ishtirokchilar ushbu bosqichda maxsus Mock (listening, reading, writing) imtihonidan o‘tishadi.

• Tanlovning 2-bosqichi 22-fevral kuni saralangan nomzodlar o‘rtasida "Registon" o‘quv markazining Respublika bo‘ylab barcha filiallarida keng ko‘lamda bo‘lib o‘tadi. Imtihon vaqti va manzili bo‘yicha barcha ma’lumotlar nomzodlarga maxsus SMS xabarnoma jo‘natiladi va "Call-markaz" operatorlari tomonidan batafsil ma’lumotlar beriladi.

Ikkinchi bosqich imtihoni 3 qismdan iborat bo‘ladi:

• Listening - 40 ta savol, Part 1, Part 2, Part 3 - maksimum 40 ball;

• Reading - 40 ta savol, Passage 1, Passage 2 - maksimum 40 ball;

• Writing - Essay, 250 ta so‘z - maksimum 40 ball.

Ikkinchi bosqich imtihoni umumiy 120 balldan iborat bo‘ladi.

• 2-bosqich yakunlangandan so‘ng 10 kun muddat ichida ishtirokchilarning umumiy natijalari "Registon" o‘quv markazining xalqaro toifadagi ustozlaridan tarkib topgan maxsus komissiya tomonidan tekshiriladi va umumiy natijalar e’lon qilinadi.

• Nomzodlar tanlovda g‘olib bo‘lishlari uchun yakuniy (maxsus Mock) imtihonidan minimum 65 ball va undan yuqori natijani (taxminan IELTS 5.5+) qo‘lga kiritgan bo‘lishlari talab etiladi. Yakuniy bosqichda to‘plangan ballar hal qiluvchi hisoblanadi va g‘oliblar umumiy mandatda filiallar bo‘yicha belgilangan kvota asosida aniqlanadi.

• Ushbu bosqichda eng yuqori natija ko‘rsatgan nomzodlar grantga munosib deb topilib, tanlovning mutlaq g‘oliblari deb e’lon qilinadi.

Grantlar qay tartibda taqsimlanadi?

Grant o‘rinlari quyidagi jadvalda ko‘rsatilganidek "Registon" o‘quvchilari uchun alohida, qolgan ishtirokchilar uchun alohida har bir filial kesimida ajratiladi va g‘oliblar munosib rag‘batlantiriladi.

❗ Ishtirokchilar uchun qat’iy eslatmalar:

• Grant g‘olibi bo‘lish uchun yakuniy imtihondan kamida 56 ball va undan yuqori natija ko‘rsatish talab etiladi. Chunki ushbu tanlov IELTS sertifikatiga tayyorlov uchun mo‘ljallangan bo‘lib, grant g‘oliblari 3 oyga mo‘ljallangan maxsus dasturimizda mutlaqo bepul o‘qish imkoniyatiga ega bo‘lishadi. Ushbu dasturda o‘qish va dasturni tushunishingiz uchun sizdan kamida Intermediate yoki undan yuqori darajada bo‘lish talab etiladi;

• Tanlov g‘olibi bo‘lgan nomzodlar grant asosida o‘qishni boshlagandan so‘ng, 10 kun ichida maxsus mentor tomonidan belgilangan kunga IELTS sertifikatini olish uchun imtihonga ro‘yxatdan o‘tishlari kerak.

👉 Tanlovga ro‘yxatdan o‘tish: @Rgn_IG5_bot

"Registon" o‘quv markazi o‘zining bo‘lajak eng iqtidorli o‘quvchilariga omad tilaydi!

Tanlov bo‘yicha savol va murojaatlaringizni (https://t.me/RegistanLC_admin) telegram manziliga yuborishingiz mumkin!