“Registon Olimpiada” TANLOVI
1. Umumiy qoidalar
Mazkur nizom Registon o‘quv markazi tomonidan tashkil etiladigan “REGISTON OLIMPIADASI” tanlovining navbatdagi mavsumini o‘tkazish tartibi, ishtirokchilarga qo‘yiladigan talablar, saralash bosqichlar, baholash mezonlari hamda g‘oliblarni aniqlash va taqdirlash tartibini belgilaydi. Tanlov iqtidorli o‘quvchilarni aniqlash, ularning bilim va intellektual salohiyatini ro‘yobga chiqarish hamda o‘quvchilar uchun sifatli ta’lim olish yo‘lida qo‘shimcha imkoniyatlar yaratish maqsadida tashkil etiladi. Mazkur tanlov uch bosqichda o‘tkazilib, dastlabki bosqichlar Registon o‘quv markazining barcha filiallarida, yakuniy bosqich esa Toshkent shahrida belgilangan tartibda o‘tkaziladi.
2. Tanlovdan maqsad
Tanlovni tashkil etishdan ko‘zlangan asosiy maqsad quyidagilardan iborat:● O‘quvchilarning matematika va ingliz tili fanlari bo‘yicha bilim darajasini aniqlash;● 3-sinfdan 10-sinfgacha bo‘lgan o‘quvchilar orasidan iqtidorli va salohiyatli yoshlarni saralab olish;● Ular o‘rtasida sog‘lom raqobat muhitini shakllantirish, liderlik qobiliyatini va o‘z ustida ishlash motivatsiyasini rivojlantirish;● Yoshlarni sifatli ta’limga yo‘naltirish va rag‘batlantirish;● G‘oliblarni qimmatbaho sovg‘alar hamda Registonda ta’lim olish uchun maxsus grantlar bilan taqdirlash.
3. Tanlov ishtirokchilari va cheklovlar
Tanlovda O‘zbekiston Respublikasi hududidagi umum ta’lim maktablaridagi 3-sinfdan 10-sinfgacha bo‘lgan:● Davlat umum ta’lim maktab o‘quvchilari (IDUM),● Registon o‘quv markazida tahsil olayotgan o‘quvchilar ishtirok etish huquqiga ega. Ishtirokchilar tanlovda faqat bir marta va o‘zining haqiqiy shaxsiy ma’lumotlari bilan ro‘yxatdan o‘tishi shart.Quyidagi toifadagi o‘quvchilarning tanlovda ishtirok etishiga yo‘l qo‘yilmaydi:- Barcha turdagi nodavlat (xususiy) maktab o‘quvchilari;- Prezident maktabi;- Registon xususiy maktabi;- Al-Xorazmiy maktabi;- Abu Ali ibn Sino maktabi;- Al-Beruniy va boshqalar. Agar ishtirokchining xususiy (nodavlat) maktab o‘quvchisi ekanligi aniqlansa, u natijalaridan qat’i nazar tanlovning istalgan bosqichidan chetlashtiriladi. Bundan ko‘zlangan maqsad umum ta’lim maktablarni ham bilim olishga ishtiyoq uyg‘otish va chekka hududlargacha yetib borishni ta’minlash.
4. Tanlovni o‘tkazish muddati
Tanlov 2026-yilning aprel-may oylarida quyidagi grafik asosida o‘tkaziladi:● 1-aprel — tanlov loyihasining rasmiy starti va ishtirokchilarni ro‘yxatga olish jarayonining boshlanishi;● 5-may — 1-bosqichda ishtirok etish uchun ro‘yxatdan o‘tishning yakuniy kuni, 23:59 gacha davom etadi;● 6-may — 1-bosqich (onlayn imtihon) o‘tkazilishi va yakunlanishi;● 10-may — tanlovning 2-bosqichi Registon filiallarida oflayn imtihonlar;● 14-may (soat 21:00 gacha) — 2-bosqich natijalari e’lon qilinadi;● 17-may — tanlovning 3-bosqichi (Respublika bosqichi) Toshkent shahrida belgilangan manzilda o‘tkaziladi;● 24-may — g‘oliblarni tantanali taqdirlash marosimi.
5. Tanlov fanlari
Tanlov quyidagi fanlar asosida tashkil etiladi:● Matematika;● Ingliz tiliTanlovning barcha bosqichlari uchun test savollari va topshiriqlari ishtirokchilarning yosh toifasi, o‘qiyotgan sinfi hamda bosqichning murakkablik darajasiga mos ravishda mutaxassislar tomonidan ishlab chiqiladi.
6. Tanlovga ro‘yxatdan o‘tish tartibi
Tanlovda ishtirok etish istagida bo‘lgan o‘quvchilar Registon tomonidan taqdim etilgan maxsus ro‘yxatdan o‘tish platformasi yoki Telegram bot orqali ro‘yxatdan o‘tadi.Ro‘yxatdan o‘tishda ishtirokchi quyidagi ma’lumotlarni to‘liq va to‘g‘ri kiritishi lozim:● Familiyasi, ismi va otasining ismi (F.I.SH.);● Tug‘ilgan sanasi;● Bog‘lanish uchun telefon raqami;● Doimiy yashash manzili (viloyat va tuman/shahar);● Tahsil olayotgan maktabi nomi va raqami;● Hozirgi kunda o‘qiyotgan sinfi;● O‘zi tanlagan Registon filiali.
Ro‘yxatdan o‘tish vaqtida tanlangan filial keyingi (oflayn) bosqichlarda ishtirok etish manzili sifatida qabul qilinadi (jarayon yakunlanganidan so‘ng filialni o‘zgartirishga yo‘l qo‘yilmaydi).
Ishtirokchi tomonidan noto‘g‘ri, to‘liq bo‘lmagan yoki soxta ma’lumot kiritilishi (masalan, 5-sinf o‘quvchisining 4-sinf toifasida ro‘yxatdan o‘tishi yoki boshqa shaxs nomidan qatnashishi) aniqlangan taqdirda, ishtirokchi tanlovning istalgan bosqichida chetlashtiriladi va natijalari bekor qilinadi. O‘quvchi xususiy maktabdan o‘qisa, lekin umumta’lim maktabi nomidan ro‘yxatdan o‘tgan taqdirda ham chetlashtiriladi.
7. Tanlov bosqichlari va ularni o‘tkazish tartibi
1-bosqich. Saralash (onlayn imtihon)
Tanlovning 1-bosqichi 5-may kuni soat 00:00 ga qadar davom etadi. Ushbu muddat davomida ro‘yxatdan o‘tgan barcha ishtirokchilar onlayn platforma orqali test topshirishlari shart.
Ushbu bosqichning asosiy vazifalari quyidagilardan iborat:● Ishtirokchilarning fanlar bo‘yicha boshlang‘ich bilim darajasini aniqlash;● Ommaviy ishtirokchilar orasidan munosib nomzodlarni saralab olish;● Keyingi (oflayn) bosqichda qatnashish huquqini beruvchi saralashni o‘tkazish.
1-bosqich yakuniga ko‘ra, 56 balldan yuqori natija ko‘rsatgan ishtirokchilar 2-bosqichga yo‘llanmani qo‘lga kiritadi.
2-bosqich. Hududiy (Filial) bosqichi
Tanlovning 2-bosqichi 10-may kuni Registon o‘quv markazining hududiy filiallarida oflayn shaklda o‘tkaziladi. Ishtirokchilar ro‘yxatdan o‘tish jarayonida o‘zlari tanlagan filialdagi imtihonda qatnashadi.
2-bosqichning asosiy maqsadlari:● Hududiy kesimda eng kuchli ishtirokchilarni saralash;● Tanlovning yakuniy (Respublika) bosqichida ishtirok etish huquqini qo‘lga kiritgan g‘oliblarni aniqlash.Respublika bosqichiga yo‘llanma berish tartibi:● Yakuniy bosqichga yo‘llanma har bir sinf toifasi bo‘yicha faqat 1-o‘rinni egallagan o‘quvchiga beriladi va ushbu ishtirokchining natijasi 86 balldan kam bo‘lmasligi shart.● Agar 1-o‘rinni egallagan ishtirokchi 86 ball to‘play olmasa, ushbu sinf bo‘yicha mazkur filialdan Respublika bosqichiga hech kim tavsiya etilmaydi.
2-bosqich natijalari 14-may kuni soat 21:00 ga qadar Registonning rasmiy sahifalari, maxsus platformasi yoki ishtirokchilarning shaxsiy kabinetlari orqali e’lon qilinadi.
Respublika bosqichida har bir sinfdan 1 nafar o‘quvchi chiqishi va sinflar doirasida ballar teng bo‘lib qolgan taqdirda ham qayta imtihon joriy qilinishi ta’minlanadi.
3-bosqich. Respublika (Final) bosqichi
Yakuniy 3-bosqich 17-may kuni Toshkent shahrida o‘tkaziladi.Unda 2-bosqichdan muvaffaqiyatli o‘tgan eng kuchli ishtirokchilarning matematika va ingliz tili bo‘yicha bilimlari yanada chuqurroq va yuqori darajada baholanadi.Final bosqichi yakuniga ko‘ra tanlovning mutlaq g‘oliblari aniqlanadi.
8. Baholash tartibi va mezonlari
Tanlovning barcha bosqichlari maxsus baholash mezonlari asosida amalga oshiriladi.
Test topshiriqlari murakkablik darajasiga ko‘ra quyidagicha baholanadi:
1-dan 10-gacha va 31-dan 40-gacha bo‘lgan savollarga 0.9 ball,11-dan 20-gacha va 41-dan 50-gacha bo‘lgan savollarga 1.5 ball21-dan 30-gacha va 51-dan 60-gacha bo‘lgan savollarga 2.6 ball.
Savollar o‘zbek va rus tillarida ishtirokchilarning talabiga binoan taqdim etiladi.
Baholashda quyidagilar inobatga olinadi:
● to‘g‘ri javoblar soni,
● umumiy ball,
● savollar murakkablik darajasi.
Ballar teng kelib qolgan holatlarda g‘olibni aniqlash:
Agar g‘oliblar o‘rtasida ballar teng kelib qolsa, tashkilotchilar tomonidan qo‘shimcha
mezonlar asosida yakuniy qaror qabul qilinadi.
● Zarurat tug‘ilganda, maxsus komissiya tomonidan qo‘shimcha og‘zaki yoki yozma
sinov (savol-javob) o‘tkaziladi;
● Savollarga eng ko‘p to‘g‘ri javob bergan ishtirokchiga ustunlik beriladi;
Tashkilotchilarning yakuniy qarori qat’iy hisoblanadi.
9. G‘oliblarni aniqlash va mukofotlash tartibi
Tanlov yakunida g‘oliblar 3-bosqich (respublika bosqichi) natijalariga asosan aniqlanadi. G‘oliblar quyidagi ikki toifa (Respublika va Hududiy) bo‘yicha belgilanadi:
9.1. Respublika (oliy) o‘rinlar
Respublika bosqichida o‘z sinf toifasi bo‘yicha oliy o‘rinni (mutlaq g‘oliblikni) egallash uchun ishtirokchi jami ballarning kamida 86 ballidan yuqori natija ko‘rsatishi shart. Har bir sinf kesimida faqat 1 nafar mutlaq g‘olib aniqlanadi.
Taqdirlash quyidagicha amalga oshiriladi:Mutlaq g‘oliblik (Oliy o‘rin): Barcha sinf toifalari bo‘yicha eng yuqori natija ko‘rsatgan 1 nafar ishtirokchi tanlovning bosh sovrini — Onix avtomobili bilan taqdirlanadi.
Eslatma: Agar bir nechta ishtirokchining ballari teng kelib qolsa, yagona g‘olib maxsus komissiya tomonidan belgilangan qo‘shimcha mezonlar asosida aniqlanadi.
Sinf kesimidagi g‘oliblik (1-o‘rinlar):Oliy o‘rin sohibidan tashqari, har bir sinf toifasi bo‘yicha eng yuqori ball to‘plagan ishtirokchilar iPad planshetlariga ega bo‘ladi.
1-o‘rin (oliy) — avtomobil (Onix)2-8 o‘rin — IPad
9.2. Hududiy (filiallar kesimidagi) o‘rinlar
Har bir sinflar kesimida eng yuqori natija ko‘rsatgan 20 nafar ishtirokchi quyidagi tartibda taqdirlanadi:1-o‘rin — 100% grant asosida ta’lim hamda “Registon Leader’s Box”2-o‘rin — 70% grant asosida ta’lim, “Registon Leader’s Box”3-o‘rin — 50% grant asosida ta’lim, “Registon Leader’s Box”4–10-o‘rinlar — 30% grant asosida ta’lim 11–20-o‘rinlar — 20% grant asosida ta’lim
Taqdim etilgan o‘quv grantlari natijalar e’lon qilingan kundan boshlab 2 (ikki) oy muddat davomida amal qiladi.
O‘quv grantlaridan foydalanishning batafsil tartibi va shartlari tashkilotchilar tomonidan to‘liq tushuntiriladi;
Belgilangan barcha turdagi mukofotlar (avtomobil, planshet, grant va b.q.) pul ekvivalentiga almashtirib berilmaydi.
9.3 Referal tizimi bo‘yicha qo‘shimcha rag‘batlantirish
Tanlov doirasida ishtirokchilarni kengroq jalb qilish va loyihani ommalashtirish maqsadida Referal tizimi joriy etiladi. Mazkur tizimda eng faol ishtirokchilar alohida reyting asosida quyidagi tartibda taqdirlanadi:
1. Ustozlar o‘rtasida
Referal havola orqali eng ko‘p o‘quvchi ro‘yxatdan o‘tkazgan 1-, 2- va 3-o‘rin egalari quyidagi sovg‘alar bilan taqdirlanadi:
● 1-o‘rin — Smart TV
● 2-o‘rin — Smart TV
● 3-o‘rin — Smart TV
2. Maktablar o‘rtasida
Referal tizimi orqali eng ko‘p o‘quvchi ro‘yxatdan o‘tkazgan maktablarning sinf rahbarlari orasidan 1-, 2- va 3-o‘rin egalari quyidagi sovg‘alar bilan taqdirlanadi:● 1-o‘rin — TV● 2-o‘rin — TV● 3-o‘rin — TV
3. O‘quvchilar o‘rtasida
Referal havola orqali eng ko‘p o‘quvchi ro‘yxatdan o‘tkazgan 1-, 2- va 3-o‘rin egalari quyidagi sovg‘alar bilan taqdirlanadi:● 1-o‘rin — Planshet● 2-o‘rin — Planshet● 3-o‘rin — Planshet
Referal tizimi bo‘yicha g‘oliblar ishtirokchi tomonidan shaxsiy referal havolasi (link) orqali jalb qilingan va 1-bosqichda (onlayn imtihonda) bevosita ishtirok etgan foydalanuvchilar soniga qarab aniqlanadi.
Referal tizimi shartlari:
● Faqat ro‘yxatdan o‘tib, 1-bosqich test topshiriqlarini to‘liq bajargan yangi foydalanuvchilar referal ball sifatida hisobga olinadi;
● Sun’iy ravishda ("nakrutka" yoki soxta akkauntlar orqali) ishtirokchilar sonini ko‘paytirish holatlari aniqlansa, ushbu ishtirokchi referal reytingidan chetlashtiriladi;
● Referal tizimi bo‘yicha natijalar tanlovning umumiy yakuniy bosqichi arafasida sarhisob qilinadi.
10. Taqdirlash marosimi
Tanlov g‘oliblarini taqdirlash marosimi 23-may kuni o‘tkaziladi.
Taqdirlash marosimida quyidagi ishtirokchilar qatnashishi mumkin:● Respublika va hududiy bosqich g‘oliblari;● G‘olib o‘quvchilarning ota-onalari yoki yaqinlari;● Ularning ustozlari va maktab vakillari;● Registon o‘quv markazi rahbariyati va xodimlari;● Hamkor tashkilot vakillari hamda taklif etilgan faxriy mehmonlar.
G‘oliblarga diplom, sertifikat, grant va belgilangan mukofotlar tantanali ravishda topshiriladi.
11. Ishtirokchilar uchun muhim eslatmalar
Tanlov ishtirokchilari quyidagilarga amal qilishi shart:● tanlov nizomi bilan to‘liq tanishib chiqish,● ro‘yxatdan o‘tishda faqat to‘g‘ri ma’lumot kiritish,● belgilangan sana va vaqtlarda imtihonlarda ishtirok etish,● o‘zi tanlagan filialda qatnashish tartibiga rioya qilish,● tanlov jarayonida halollik va intizomni saqlash.
Quyidagi holatlarda ishtirokchi tanlovdan chetlashtiriladi:
● soxta ma’lumot kiritish,● boshqa shaxs nomidan qatnashish,● qoidabuzarlik qilish,● imtihon jarayoniga noqonuniy aralashish,● test jarayonida yordamchi vositalardan foydalanish.
12. Apellyatsiya tartibi
Agar ishtirokchi o‘z natijasidan norozi bo‘lsa, natijalar e’lon qilingandan so‘ng 48 soat ichida tashkilotchilarga apellyatsiya murojaatini yuborishi mumkin.
Apellyatsiya murojaatlari maxsus komissiya tomonidan ko‘rib chiqiladi va u bo‘yicha chiqarilgan qaror yakuniy hisoblanadi.
13. Tashkilotchining huquqlari
Tashkilotchi quyidagi huquqlarga ega:● tanlov sanalari yoki texnik tartibiga zarurat bo‘lsa o‘zgartirish kiritish,● qo‘shimcha qoidalar belgilash,● qoidabuzarlik aniqlangan ishtirokchini tanlovdan chetlashtirish,● tanlov natijalari, foto va video materiallardan axborot-ma’rifiy hamda marketing maqsadlarida foydalanish
14. Yakuniy qoidalar
Mazkur nizom tanlovning rasmiy tartibga soluvchi hujjati hisoblanadi.Tanlovda ro‘yxatdan o‘tgan har bir ishtirokchi ushbu nizom shartlariga rozilik bildirgan hisoblanadi.
Nizomda nazarda tutilmagan holatlar bo‘yicha qaror tashkilotchilar tomonidan amaldagi ichki tartib-qoidalarga muvofiq qabul qilinadi