1. Umumiy qoidalar

Mazkur nizom Registon o‘quv markazi tomonidan tashkil etiladigan “REGISTON ONA TILI GRANTI” tanlovini o‘tkazish tartibi, ishtirokchilarga qo‘yiladigan talablar, saralash bosqichlari, baholash mezonlari hamda g‘oliblarni aniqlash va taqdirlash tartibini belgilaydi.

Tanlov iqtidorli talabgorlarni aniqlash, ularning ona tili fanidan bilim va intellektual salohiyatini ro‘yobga chiqarish, milliy sertifikat imtihonlariga tayyorgarlik darajasini oshirish hamda talabgorlar uchun sifatli ta’lim olish yo‘lida qo‘shimcha imkoniyatlar yaratish maqsadida tashkil etiladi.

Mazkur tanlov ikki bosqichda o‘tkaziladi: 1-bosqich onlayn shaklda, 2-bosqich esa Registon o‘quv markazining hududiy filiallarida oflayn shaklda tashkil etiladi.

2. Tanlovdan maqsad

Tanlovni tashkil etishdan ko‘zlangan asosiy maqsadlar quyidagilardan iborat:

• Talabgorlarning ona tilifani bo‘yicha bilim darajasini milliy sertifikat talablari asosida aniqlash;
• 9-11-sinf o‘quvchilari, talabalar hamda ona tili va boshlang‘ich ta’lim o‘qituvchilari orasidan iqtidorli va salohiyatli nomzodlarni saralab olish;
• Ular o‘rtasida sog‘lom raqobat muhitini shakllantirish, o‘z ustida ishlash motivatsiyasini rivojlantirish;
• Talabgorlarni sifatli ta’limga yo‘naltirish va rag‘batlantirish;
• G‘oliblarni Registonda milliy sertifikat imtihoniga tayyorlov kursida ta’lim olish uchun maxsus grantlar bilan taqdirlash.

3. Tanlov ishtirokchilari va cheklovlar

Tanlovda quyidagi toifadagi talabgorlar ishtirok etish huquqiga ega:

• Maktab o‘quvchilari— 9-, 10- va 11-sinf o‘quvchilari;
• Talabalar;
• Ona tili fani o‘qituvchilari;
• Boshlang‘ich ta’lim o‘qituvchilari.

Ishtirokchilar tanlovda faqat bir marta va o‘zining haqiqiy shaxsiy ma’lumotlari bilan ro‘yxatdan o‘tishi shart. Ro‘yxatdan o‘tishda ishtirokchi o‘zi mansub bo‘lgan toifani hamda o‘ziga yaqin Registon filialini to‘g‘ri ko‘rsatishi lozim.

Maktab o‘quvchilari toifasida quyidagi ta’lim muassasalari o‘quvchilarining ishtirok etishiga yo‘l qo‘yilmaydi:

• Barcha turdagi nodavlat (xususiy) maktab o‘quvchilari;
• Prezident maktablari;
• Registon xususiy maktabi;
• Al-Xorazmiy maktablari;
• Abu Ali ibn Sino maktablari;
• Al-Beruniy va boshqa ixtisoslashtirilgan nodavlat maktablar.

Agar ishtirokchining xususiy (nodavlat) maktab o‘quvchisi ekanligi aniqlansa, u natijalaridan qat’iy nazar tanlovning istalgan bosqichida chetlashtiriladi.

Bundan ko‘zlangan maqsad — umumta’lim maktablari o‘quvchilarining bilim olishga bo‘lgan ishtiyoqini uyg‘otish va tanlovning chekka hududlargacha yetib borishini ta’minlash.

4. Tanlovni o‘tkazish muddati

Tanlov 2026-yilning avgust oyida quyidagi grafik asosida o‘tkaziladi:

• 1-19-avgust— tanlov loyihasining rasmiy starti va ishtirokchilarni ro‘yxatga olish jarayoni;
• 19-avgust— 1-bosqich (onlayn imtihon) bo‘lib o‘tadi va yakunlanadi;
• 21-avgust— tanlovning 2-bosqichi Registon filiallarida oflayn shaklda o‘tkaziladi;
• 23-avgust— tanlovning yakuniy natijalari e’lon qilinadi.

Ro‘yxatdan o‘tish 19-avgust kuni onlayn imtihon boshlanishiga qadar davom etadi.

G‘oliblarni taqdirlash marosimining aniq sanasi va manzili tashkilotchilar tomonidan alohida e’lon qilinadi.

5. Tanlov fani

Tanlov Ona tili fani asosida, milliy sertifikat imtihoni talablari va formatiga muvofiq tashkil etiladi.

Tanlovning barcha bosqichlari uchun test savollari va topshiriqlari Rash modeli asosida baholanadigan imtihon tizimiga muvofiq, ishtirokchilarning toifasi hamda bosqichning murakkablik darajasiga mos ravishda mutaxassislar tomonidan ishlab chiqiladi.

6. Tanlovga ro‘yxatdan o‘tish tartibi

Tanlovda ishtirok etish istagida bo‘lgan talabgorlar Registon tomonidan taqdim etilgan maxsus Telegram bot orqali ro‘yxatdan o‘tadi.

Ro‘yxatdan o‘tishda ishtirokchi quyidagi ma’lumotlarni to‘liq va to‘g‘ri kiritishi lozim:

• Ismi va familiyasi;
• Bog‘lanish uchun telefon raqami;
• O‘zi mansub bo‘lgan toifa (maktab o‘quvchisi — 9-, 10- yoki 11-sinf; talaba; ona tili fani o‘qituvchisi; boshlang‘ich ta’lim o‘qituvchisi);
• O‘ziga yaqin Registon filiali — respublikadagi 60 ga yaqin oflayn filialdan biri yoki Registon onlaynfiliali.

Ro‘yxatdan o‘tish vaqtida tanlangan filial 2-bosqichda (oflayn imtihonda) ishtirok etish manzili sifatida qabul qilinadi (jarayon yakunlanganidan so‘ng filialni o‘zgartirishga yo‘l qo‘yilmaydi).

Ishtirokchi tomonidan noto‘g‘ri, to‘liq bo‘lmagan yoki soxta ma’lumot kiritilishi (masalan, 11-sinf o‘quvchisining 9-sinf toifasida ro‘yxatdan o‘tishi yoki boshqa shaxs nomidan qatnashishi) aniqlangan taqdirda, ishtirokchi tanlovning istalgan bosqichida chetlashtiriladi va natijalari bekor qilinadi.

7. Tanlov bosqichlari va ularni o‘tkazish tartibi

1-bosqich. Saralash (onlayn imtihon)

Tanlovning 1-bosqichi 19-avgust kuni maxsus bot orqali onlayn shaklda o‘tkaziladi va quyidagi tartibda tashkil etiladi:

• 45 tatest savoli;
• imtihon davomiyligi — 2 soat;
• natijalar Rash modeliasosida baholanadi.

1-bosqich yakuniga ko‘ra, 40 balldan yuqori natija ko‘rsatgan ishtirokchilar 2-bosqichga yo‘llanmani qo‘lga kiritadi.

2-bosqich. Filialdagi oflayn imtihon — yakuniy bosqich

Tanlovning 2-bosqichi 21-avgust kuni Registon o‘quv markazining hududiy filiallarida oflayn shaklda o‘tkaziladi. Ishtirokchilar ro‘yxatdan o‘tish jarayonida o‘zlari tanlagan filialdagi imtihonda qatnashadi. Bosqich quyidagi tartibda tashkil etiladi:

• 45 tatest savoli;
• imtihon davomiyligi — 2 soat;
• natijalar Rash modeliasosida baholanadi;
• grant sovrindori bo‘lish uchun eng kam ball — 55 ball;
• g‘oliblar har bir filial kesimida alohidaaniqlanadi.

2-bosqich natijalari 23-avgust kuni Registonning rasmiy sahifalari, maxsus platformasi yoki ishtirokchilarning shaxsiy kabinetlari orqali e’lon qilinadi.

8. Baholash tartibi va mezonlari

Tanlovning har ikki bosqichida ishtirokchilarga 45 ta test topshirig‘i taqdim etiladi va natijalar Rash modeli asosida baholovchi imtihon tizimi orqali hisoblanadi. Baholashda savollarning murakkablik darajasi hamda ishtirokchining javob berish qobiliyati birgalikda inobatga olinadi.

Savollar milliy sertifikat imtihoni talablariga muvofiq o‘zbek tilida taqdim etiladi.

Ballar teng kelib qolgan holatlarda g‘olibni aniqlash:

• Agar g‘oliblar o‘rtasida ballar teng kelib qolsa, tashkilotchilar tomonidan qo‘shimcha mezonlar asosida yakuniy qaror qabul qilinadi;
• Zarurat tug‘ilganda, maxsus komissiya tomonidan qo‘shimcha og‘zaki yoki yozma sinov (savol-javob) o‘tkaziladi;
• Murakkab savollarga eng ko‘p to‘g‘ri javob bergan ishtirokchiga ustunlik beriladi.

Tashkilotchilarning yakuniy qarori qat’iy hisoblanadi.

9. G‘oliblarni aniqlash va mukofotlash tartibi

Tanlov yakunida g‘oliblar 2-bosqich (oflayn imtihon) natijalariga asosan, 55 balldan yuqori natija ko‘rsatgan ishtirokchilar orasidan aniqlanadi. G‘oliblar har bir Registon filiali kesimida alohida belgilanadi.

Har bir filialda reyting bo‘yicha eng yuqori natija ko‘rsatgan 20 nafar ishtirokchi grant sovrindori etib belgilanadi va ular o‘sha filialda bitta o‘quv guruhini tashkil etadi. Grantlar har bir filial kesimida quyidagi tartibda taqsimlanadi:

• 1-5-o‘rinlar— 100% grant asosida ta’lim;
• 6-10-o‘rinlar— 50% grant asosida ta’lim;
• 11-20-o‘rinlar— 30% grant asosida ta’lim.

Taqdim etilgan grantlar milliy sertifikat imtihoniga tayyorlovchi 2 oylik o‘quv kursida ta’lim olish uchun beriladi va faqat 2026-yilning sentabr va oktabr oylari uchun amal qiladi. Ushbu muddatdan tashqarida grantlardan foydalanishga yo‘l qo‘yilmaydi.

Grantning filialga bog‘liqligi. Ishtirokchi tanlovning imtihon bosqichida qaysi filialni tanlagan bo‘lsa, g‘olib bo‘lgan taqdirda grant asosidagi ta’limni aynan o‘sha filialda oladi. Grantni boshqa filialga o‘tkazish yoki boshqa filialda grant asosida o‘qishga yo‘l qo‘yilmaydi.

Registon o‘quvchilari uchun cheklov. Registon o‘quv markazida hozirda tahsil olayotgan o‘quvchilar g‘olib bo‘lgan taqdirda, ular uchun har bir filial kesimida jami 3 ta grant ajratiladi:

• 1 ta 100% likgrant;
• 1 ta 50% likgrant;
• 1 ta 30% likgrant.

Qolgan grant o‘rinlari reyting bo‘yicha boshqa ishtirokchilar o‘rtasida taqsimlanadi.

Belgilangan barcha turdagi mukofotlar (grant va boshqalar) pul ekvivalentiga almashtirib berilmaydi.

9.1. Barcha ishtirokchilar uchun qo‘shimcha imkoniyatlar

Tanlov doirasida ishtirokchilarni kengroq qo‘llab-quvvatlash maqsadida quyidagi qo‘shimcha imkoniyatlar taqdim etiladi:

• 1000 nafarishtirokchiga milliy sertifikat imtihoniga tayyorlovchi 2 oylik o‘quv kursida maxsus grant asosida ta’lim olish imkoniyati beriladi;
• Tanlov targ‘iboti davrida o‘tkaziladigan yutuqli konkurslar va sinov testlari g‘oliblariga Registon o‘quv kurslariga 10-30% chegirmataqdim etiladi.

Qo‘shimcha imkoniyatlardan foydalanishning batafsil tartibi va shartlari tashkilotchilar tomonidan alohida e’lon qilinadi.

10. Taqdirlash marosimi

Tanlov g‘oliblarini taqdirlash marosimining sanasi va manzili natijalar e’lon qilingandan so‘ng tashkilotchilar tomonidan alohida e’lon qilinadi.

Taqdirlash marosimida quyidagi ishtirokchilar qatnashishi mumkin:

• Tanlov g‘oliblari;
• G‘olib o‘quvchilarning ota-onalari yoki yaqinlari;
• Ularning ustozlari va maktab vakillari;
• Registon o‘quv markazi rahbariyati va xodimlari;
• Hamkor tashkilot vakillari hamda taklif etilgan faxriy mehmonlar.

G‘oliblarga diplom, sertifikat, grant va belgilangan mukofotlar tantanali ravishda topshiriladi.

11. Ishtirokchilar uchun muhim eslatmalar

Tanlov ishtirokchilari quyidagilarga amal qilishi shart:

• tanlov nizomi bilan to‘liq tanishib chiqish;
• ro‘yxatdan o‘tishda faqat to‘g‘ri ma’lumot kiritish;
• belgilangan sana va vaqtlarda imtihonlarda ishtirok etish;
• o‘zi tanlagan filialda qatnashish tartibiga rioya qilish;
• tanlov jarayonida halollik va intizomni saqlash.

Quyidagi holatlarda ishtirokchi tanlovdan chetlashtiriladi:

• soxta ma’lumot kiritish;
• boshqa shaxs nomidan qatnashish;
• qoidabuzarlik qilish;
• imtihon jarayoniga noqonuniy aralashish;
• test jarayonida yordamchi vositalardan ruxsatsiz foydalanish.

12. Apellyatsiya tartibi

Agar ishtirokchi o‘z natijasidan norozi bo‘lsa, natijalar e’lon qilingandan so‘ng 48 soat ichida tashkilotchilarga apellyatsiya murojaatini yuborishi mumkin.

Apellyatsiya murojaatlari maxsus komissiya tomonidan ko‘rib chiqiladi va u bo‘yicha chiqarilgan qaror yakuniy hisoblanadi.

13. Tashkilotchining huquqlari

Tashkilotchi quyidagi huquqlarga ega:

• tanlov sanalari yoki texnik tartibiga zarurat bo‘lsa o‘zgartirish kiritish;
• qo‘shimcha qoidalar belgilash;
• qoidabuzarlik aniqlangan ishtirokchini tanlovdan chetlashtirish;
• tanlov natijalari, foto va video materiallardan axborot-ma’rifiy hamda marketing maqsadlarida foydalanish.

14. Yakuniy qoidalar

Mazkur nizom tanlovning rasmiy tartibga soluvchi hujjati hisoblanadi.

Tanlovda ro‘yxatdan o‘tgan har bir ishtirokchi ushbu nizom shartlariga rozilik bildirgan hisoblanadi.

Nizomda nazarda tutilmagan holatlar bo‘yicha qaror tashkilotchilar tomonidan amaldagi ichki tartib-qoidalarga muvofiq qabul qilinadi.