"Turkiston" xususiy maktabidan yangi grant loyihasini qarshi oling!

TURKISTON XUSUSIY MAKTABI

2026-2027 o‘quv yili uchun Grant Nizomi (4-11-sinflar uchun)

1. MaqsadUshbu nizom Turkiston xususiy maktabida 2026-2027-o‘quv yili uchun ta’sis etilgan o‘quv granti dasturi boʻyicha qoidalarni belgilaydi. Grant dasturining maqsadi iqtidorli va bilimli oʻquvchilarni aniqlab, ularning ta’lim olish xarajatlarini qisman yengillashtirish, hamda yoshlarni ijtimoiy qo‘llab-quvvatlashdir2. Grant kvotalari va qamroviQamrab olinuvchi sinflar: 4-sinfdan 11-sinfgacha bo‘lgan nomzod o‘quvchilar (o‘zbek va rus guruhlarida).

Grant kvotalari: 4-9-sinfning har bir til guruhidan eng yuqori natija ko‘rsatgan 2 nafar o‘quvchiga grant o‘rinlari ajratiladi. Masalan: 4-sinf (o‘zbek) uchun 2 o‘rin, 4-sinf (rus) uchun ham 2 oʻrin. Shu tarzda 4-sinfdan 9-sinfgacha har bir guruhda 2 o‘rindan joy ajratiladi. 10-sinflar uchun esa grantlar soni 2 ta, 11-sinflar uchun ham grantlar soni 2 ta.

Grant shakli: Grant 2 turda tashkillanadi, 1-tur bu 30% grant hisoblanib, 5-iyul kuni o‘tkaziladi. 2-tur 50% bo‘lib, bu 2026-yil avgust oyida o‘tkaziladi.

Grant miqdori: Mazkur dastur doirasida taqdim etiladigan grant o‘quv toʻlovining 30%ini tashkil etadi. Grant faqat 2026-2027-oʻquv yili uchun amal qiladi. Ya’ni, grant sovrindorlari ushbu o‘quv yilidagi belgilangan kontrakt to‘lovidan tegishli chegirmaga ega boʻladi.

3. Dasturda qatnashish huquqi (ishtirokchilar)

Kimlar qatnashishi mumkin: 2026-2027-o‘quv yilida Turkiston maktabining 4-11-sinflarida o‘qishni xohlovchi barcha nomzod o‘quvchilar ushbu grant tanlovida ishtirok etishi mumkin.

Eslatma: Hozirda Turkiston maktabida shartnomaga ega bo‘lgan o‘quvchilar ham xohishga koʻra tanlovda qatnasha oladilar.

4. Imtihon o‘tkazilish tartibi

Imtihon fanlari va shakli: Nomzodlar ikki fan va logika — matematika, ingliz tili va mantiq boʻyicha test imtihoni topshiradilar. Test sinovi oflayn tarzda (maktab hududida, maxsus ajratilgan imtihon xonalarida) oʻtkaziladi.

Savollar soni: Har bir fan bo‘yicha 15 ta va mantiqiy masala 10 ta test savollari (jami 40 ta savol) beriladi.

Vaqt limiti: Har bir fandan test yechish uchun maksimal 30 daqiqa vaqt ajratiladi (jami uch fan uchun 90 daqiqa).

Imtihon sanasi: 2026-yil 5-iyulida nomzodlar imtihon topshirishadi. Maktab ma’muriyati tomonidan imtihon vaqtlari belgilanadi. Nomzodlar belgilangan kun va vaqtda kelib imtihon topshiradilar.

Natijalar va shartnoma: Grant natijalari 10-iyul kuni e’lon qilinadi.

Test materiallari: Test savollari Turkiston maktabi pedagoglari tomonidan tuziladi va maktabning amaldagi o‘quv dasturlariga muvofiq tayyorlanadi. Barcha nomzodlar uchun teng sharoit yaratish maqsadida test savollari mazmun va murakkablik darajasi boʻyicha bir xil standartlarga ega boʻladi.

Imtihon jarayoni: Nomzodlar imtihon kuni ro‘yxatdan o‘tish jarayonini yakunlab, shaxsini tasdiqlovchi hujjat asl nusxasini taqdim etadilar. So‘ngra belgilangan joyda va vaqtda test topshirishga kirishadilar. Imtihon davomida qat’iy tartib-intizom saqlanishi shart: aloqa vositalari va har qanday eslatma materiallaridan foydalanish taqiqlanadi. Test sinovi jarayonini maktab nazoratchilari kuzatib boradilar. Bu kabi qoidalar buzilsa o‘quvchi imtihondan chetlatiladi va 2026-2027 o‘quv yilidagi grant imtihonlariga qatnashmaydi!

5. Baholash mezonlari

Ball berish tizimi: Har bir test savolining to‘g‘ri javobi uchun 2.5 ball beriladi. Noto‘g‘ri javoblar uchun ball berilmaydi (to‘g‘ri javob - 2.5 ball, noto‘g‘ri javob - 0 ball).

Maksimal ball: Matematika fanidan maksimal 37.5 ball, ingliz tilidan maksimal 37.5 ball, logikadan maksimal 25 ball. Uch fan bo‘yicha jami eng ko‘p 100 ball to‘plash mumkin.

Yakuniy natija (foizda): Nomzodning yakuniy natijasi toʻplagan umumiy ballining 100 ballga nisbatan foizi ko‘rinishida aniqlanadi. Masalan: agar nomzod jami 75 ball to‘plagan bo‘lsa, uning natijasi 75% deb baholanadi.

Natijalarni e’lon qilish: Zarurat tug‘ilsa, nomzodlar va ularning ota-onalari test natijalarini qayta ko‘rib chiqish (apellyatsiya) boʻyicha natija e’lon qilinganidan so‘ng 1 kun ichida maktab ma’muriyatiga murojaat qilishlari mumkin.

6. Grant ajratish shartlari

30% li o‘quv grantini qo‘lga kiritish uchun nomzod 86% dan yuqori ball to‘plab, top reytingda bo‘lishi kerak.

Grant kvotasi cheklovi: 4-9-sinf va guruhda belgilanganidek faqat 2 nafar va 10-11-sinf va guruhda 1 nafar o‘quvchigina grant yutib olishi mumkin. Eng yuqorida turgan va imtihonda kerakli natijani qo‘lga kiritgan o‘quvchilarga Grant taqdim etiladi. Grant joyi tugagach, avtomatik ravishda shu sinf uchun grant kvotasi yopiladi.

Teng ball holati: Agar bir sinf guruhida bir nechta nomzodlar bir xil yakuniy ball to‘plab, oxirgi grant o‘rniga da’vogarlik qilsa (masalan, 2-o‘rin uchun teng ball), maktab administratsiyasi qo‘shimcha mezonlar asosida (masalan, matematika fanidan yuqori ball toʻplagani yoki ro‘yxatdan o‘tgan vaqti) g‘olibni aniqlaydi.

Suhbat bosqichi: Ushbu grant tanlovi doirasida test sinovidan so‘ng alohida suhbat yoki qo‘shimcha imtihon bosqichi mavjud emas. G‘oliblar faqat test natijalariga asosan aniqlanadi.

Grantdan foydalanish: Grant yutib olgan o‘quvchiga beriladigan chegirma faqat uning 2026-2027-o‘quv yili uchun kontrakt to‘lovi summasiga tatbiq etiladi. Yangi qabul qilingan o‘quvchilar ushbu grant asosida to‘lov shartnomasini imzolaydilar. Maktabning amaldagi o‘quvchilari grant yutib olgan taqdirda, ularning 2026-2027 o‘quv yili uchun toʻlovidan tegishli foiz chegirma qilinadi.

7. Ariza topshirish tartibi

Ro‘yxatdan o‘tish: Grant tanlovida ishtirok etish uchun nomzodning ota-onasi yoki vasiylari maktabning @turkiston_granti_bot telegram boti orqali ro‘yxatdan o‘tkazishlari talab etiladi. Ro‘yxatdan o‘tgan nomzodlarga imtihon vaqtlari haqida @turkistan_school telegram kanalimizda batafsil ma’lumot beriladi.

Imtihon kuni: Nomzod imtihon topshirishga kelganida shaxsini tasdiqlovchi hujjat (ID-karta, tug‘ilganlik guvohnomasi va h.k.) asl nusxasini taqdim etishi zarur. Maktab xodimlari tomonidan nomzod tegishli imtihon xonasiga yo‘naltiriladi va belgilangan vaqtda test sinovini boshlaydi.

8. Grantni bekor boʻlish qoidalari

Quyidagi holatlar yuzaga kelganda, maktab ma’muriyati va saralash komissiyasi qarori asosida o‘quvchiga berilgan grant imtiyozi vaqtincha to‘xtatilishi yoki butunlay bekor qilinishi mumkin:

Maktab intizomiga rioya etish: O‘quvchi maktabning ichki tartib-qoidalariga to‘liq amal qilishi shart. Bunga darslarga belgilangan vaqtda qatnashish, maktab formasida yurish, o‘qituvchilar va sinfdoshlarga xushmuomalalik bilan munosabatda bo‘lish, maktab mulkini asrash kabi umumiy intizomiy talablar kiradi. Agar o‘quvchi o‘z xulq-atvori bilan sinfdoshlariga yoki maktab obro‘siga zarar yetkazsa, unga nisbatan intizomiy choralar qo‘llaniladi. Ogohlantirishlardan keyin ham xulq-atvorida ijobiy oʻzgarish bo‘lmasa, maktab ma’muriyati o‘quvchini grant dasturidan chetlatish masalasini ko‘rib chiqadi.

Imtihon natijalari: Grant oluvchi o‘quvchi har oy maktab tomonidan o‘tkaziladigan reyting imtihonlari hamda choraklik nazorat sinovlarida munosib natijalar ko‘rsatishi lozim. Agar o‘quvchining o‘zlashtirishi ketma-ket uch oy davomida sinfida eng past ko‘rsatkichlarda bo‘lsa yoki umumiy baholarida jiddiy pasayish kuzatilsa, bu holat grant shartlarini buzish deb baholanadi. 3 oy mobaynida sezilarli ijobiy o‘zgarish kuzatilmasa, grant imtiyozi bekor qilinishi mumkin.

Davomat va vaqtga rioya qilish: Grant olingan o‘quvchi darslarga muntazam qatnashishi shart. Uzrsiz sabablar bilan ko‘p dars qoldirish yoki darslarga takroran kechikish, shuningdek dars vaqtida ruxsatsiz maktabni tark etish holatlari takrorlansa, grant imtiyozi bekor qilinishi mumkin. Grant bir o‘quv yili uchun belgilanadi, kelasi o‘quv yili uchun qayta saralov amalga oshiriladi.

9. Yakuniy qoidalar

Natijalardan norozi boʻlsa (apellyatsiya): Nomzodlar imtihon natijalaridan norozi boʻlgan taqdirda, natijalar e’lon qilingan kundan boshlab 24 soat ichida maktab ma’muriyatiga yozma yoki elektron tarzda murojaat qilishlari mumkin. Apellyatsiya davomida nomzodning test javoblari qayta tekshiriladi.

Grantning berilishi va bekor qilinishi: Yutib olingan grant chegirma tarzida taqdim etilib, naqd pul ko‘rinishida berilmaydi. O‘quvchi 2026-2027-oʻquv yili davomida qandaydir sabab bilan maktabni tark etsa yoki o‘quv yilida maktab intizom qoidalarini qo‘pol ravishda buzsa, maktab administratsiyasi grantni bekor qilish huquqini o‘zida saqlab qoladi.

Nizomiga oʻzgartirishlar: Ushbu nizom qoidalari maktab ma’muriyati tomonidan zaruriyatga ko‘ra o‘zgartirilishi yoki to‘ldirilishi mumkin. Kiritilgan o‘quvchilar va ularning ota-onalariga oldindan xabar beriladi.

Kuchga kirish sanasi: Mazkur nizom 2026-yil 21-iyundan kuchga kiradi va grant tanlovi yakuniga qadar amal qiladi.

Turkiston xususiy maktabi ma’muriyati